Nuummi imaatigut taxarit

Ukiumi aggersumi Nuummi takornarissat innuttaasullu umiatsiamik nalunaaquttap akunnikkaartumik akiliillutik imaatigut angallanneqarnissamut periarfissaqalissapput. Ilulissat Water Taximmi niuernertik Nuummi taxartitsinermik annertusiniarpaa.

- Nuuk Water Taxi 'alloriarneq' tulluartuuvoq, tassami Kitaani Nuuk takornariaqarfissuusut tullerimmassuk, pisortaq Anders Lykke Laursen, tusagassiuutinut nalunaarummi oqarpoq.

Suliffeqarfik 2013-imili Ilulissani imaatigut angallassinissamik neqerooruteqartarpoq. Akunneq ataatsimut 1.650 koruuninik akeqarpoq, taxallu ilulissat akornisugut angalaarnernt, arfernik takornariarnernut imaluunniit aalisarnermut atorneqartarput.

- Nuummi aallartinnissarput qilanaaraarput, inuussutissarsiornermilu ineriartorneq sunneeqataaffiginissaa ingammik qilanaaraara, immaqalu Kalaallit Nunaat assigiinngitsorpassuarnik sammisassalittut ornitassatut erseqqissarlugut, Anders Lykke Laursen oqarpoq.

Najukkameersoq ingerlatsisunngussaaq
Nuummi suliffeqarfiup pilersinneqarnerani taanna nammineq ingerlatsissaaq. Illuanik Ilulissani ingerlatsineq illoqarfimmeersumit, Kaj Henningsenimit nanginneqassaaq.

- Ukiorpassuit ingerlanerini takornarissanik umiatsiamik angallassisarnissillunga pinngortitaq kusanartoq takutittarnissaa takorloortarsimavara. Angalaarneq, piniarneq aamma pinngortitamiinneq soqutigisaraara, taamaammat maanna nunatta kusanartup takutinnissaanut qilanaarpunga, Kaj Henningsen oqarpoq.

Nuummi Targa 25.1 atorlugu angallassisoqartassasoq aamma atuarneqarsinnaavoq, Ilulissanilu maajip aallaqqaataani 2017-imi Bella 700 Patrol nutaaq sanaartorneqartoq atorneqalissaaq.

2017-ip aallartinneqarani suliffeqarfiup nittartagaatigut inniminniinissaq periarfissaalissaaq.