Generali Cup
Futsalimik nunanut allanut unammisartut pissartanngorniutivinnermi straffeqattaareerlutik ajorsarput
Tjekkiami futsalimik unammiuaartitsisoqarnerani kalaallit nunanut unammisartuisa tjekkamiut pissartanngorniutivinnermi unammivaat
Sapaatiummat kalaallit angutit futsalimik nunanut allanut unammisartui Tjekkiami Generali Cupertitsisoqarnerani marloriarlutik unammipput.
Kalaallit unammisartuisa tjekkiamiut U-21-nut unammisartui semifinalimi 8-4-mik ajorsartippaat.
Pissartanngorniutivinnerlu ullumi sapaammi ingerlanneqarluni.
Pissartanngorniutivinnermi kalaallit unammisartuisa tjekkiamiut peqatiiffiat Plzen unammivaat.
Atuaruk: Futsalimik nunanut allanut unammisartut marloriarlutik ajorsartut
Unammineq pissanganavissumik ingerlanneqareerluni 4-4-mik naammassineqarmat straffeqattaartariaqarsimapput.
Kalallillu unammisartuinut ajoraluaqisumik straffeqattaarnermi Plzen pitsaanerungamik pissartanngorput.
Pissartanngorniutivinnermi Anders H. Petersen, Patrick Frederiksen, Nick Reimer kiisalu Malik Juhl isertitsisuupput.
Pissartanngorniutivinnermi assit uani takukkit