Sunday, March 19, 2017 - 09:39

Futsalimik nunanut allanut unammisartut marloriarlutik ajorsartut

Ukioq kingulleq Danmarkimi futsalimik unammiuaartoqarnerani assilisaq
Assi.: Knud Fl. Larsen
Angutit nunanut allanut unammisartut marloriarlutik ajorsareeraluarlutik Tjekkiami Generali Cupertoqarnerani pissartanngorniutivinnermut anngunnissaminut suli periarfissaqarput.

Sapaatip akunnerata naanerani kalaallit nunanut allanut unammisartui Tjekkiami Generali Cupertoqarnerani peqataapput.

Unammisartut arfininngormat unamminerit marluk isaatitsiviulluaqisut unammiffigaat.

Tjekkiamiut U-21 unammisartui naapeqqaarneqarput. Unamminermilu tjekkiamiut 7-5-mimik ajugaallutik. Kalaallini isertitsisuupput Malik Juhl, Nukannguaq Zeeb, Lars Peter Broberg, John Ludvig Broberg kiisalu Frederik Funch.

Unamminerup aappaani tjekkiamiut klubbiat Plzeň unammivaat.

Atuaruk: Angutit futsalertartut UEFA-mi unammiuaarnermut peqataalersut

Semifinalertut

Unamminermi Kalaallit unammisartui 4-6-mik ajorsarput.

Nukannguaq Zeeb, Frederik Funch, Patrick Frederiksen kiisalu Lars-Erik Reimer unamminermi isertitsisuupput.

Kalaallillu unammisaqattaarnermi peersitaanngillat. Unammisartummi tjekkiamiut U-21 unammisartui semifinalimi naapissuaat.

Angutit unammisartut ajugaassangunik peqatigiiffik Plzeň pissartanngorniutivinnermi naapissuaat.

Unamminerni assit takukkit

Seneste nyheder / Nutaarsiassat kingulliit