pisassiissutit
Enoksen: Pingasoriaatinngornerat aarlerinanngilaq
Saarullinnik qaleralinnillu aappaagumut pisassiinissami biologit inassutaat aalisarnermut piniarnermullu naalakkersuisup Hans Enoksenip malilersaanngilaa
Aappaagumut saarullittassat ilisimatuut inassutaanniit amerlanerungaatsiarumaartut aalisarnermut piniarnermullu naalakkersuisoq Hans Enoksen Partii Naleqqameersoq ilimasaarivoq.
Atuaruk: Saarullittassiissutit siunnersuutigineqartunit pingasoriaammik amerlanerupput
2017-mut saarullittassiinissamut ilisimatuut inassutigaat 12.379 tonsinik pisassiisoqassasoq, taamaakkaluartorli Hans Enoksenip ilimasaarutigaa ukiormanna tulaanneqartut tassa 34.000 tonsit missaliukannerlugit pisassat amerlassusilerneqarumaartut aalisakkanut assigiinngitsunut pisassiissutit juullip ukiortaallu akornanni aalajangersorneqalerpata. Qaleralittassat aamma ikilineqarnavianngillat ilisimatuut mianersortumik atuinissamik inassuteqaraluartut.
Atuaruk: Demokraatit Naalakkersuisut isumaqatigiissummik unioqqutitsinerarpaat
Demokraatinit isornartorsiuineq
Qaleralittassat, saarullittassat saattuartassallu qanittumi amerlineqarmata illuatungiliuttut Demokraatit isornartorsiuipput.
Aalisarnermut piniarnermullu ataatsimiititaliami Demokraatit ilaasortaatitaat Michael Rosing isumaqarpoq naalakkersuisooqatigiinniissamik isumaqatigiissummik tamanna unioqqutitsinerusoq tassani allassimammat nungusaataanngitsumik atuisoqassasoq.
Atuaruk: Saarullitassat amerlineqarnerat akeqarsimavoq
Biologit akeqqatut isiginngikkai
Hans Enoksenili aalajangiileruni ilisimatuut inassutaat kisiat najoqqutaralugu aalajangiinianngilaq. Tassani aalisartut ilisimasaat aamma tunngavilersuinermi ilaatinneqassapput.
- Allaaneq ajorpoq ilisimatuunik akeralittut isigineqartartunga. Kisianni aalajangiiniartarpunga aalisartut aamma tusaaniarlugit – ilisimatuut kisiisa pinnagit, Hans Enoksen oqarpoq.
Atuaruk: Saarullittassat 8.000 tonsinik amerlineqarput
Qanormi oqimaaqatigiissaarissavit? Ilisimatuut inassutaat tamakkiisumik malinnianngilat aammalu aalisartut kissaataat tamaasa tunniussinnaanagit.
- Pisassat amerlanerunissaat aalisartut kissaatigaat, ilisimatuulli oqariartuutaasa tusaaniarnissaat avaqqussinnaanngilarput. Pisussaaffigaarput aalisakkat assigiinngitsut siunissami aamma isumalluutigineqarsinnaanissaat, Hans Enoksen oqarpoq.
Hans Enoksenip pisassiissutit qanoq suliariniarnerai AG-mi saqqummertumi atuaruk: