radio-podcast
DR Nuumminngaanniit juullimut ammartakkamik aallakaatitsivoq
Danmarks Radiomi P1 inunnik arlalinnik ilisarititsilluni Nuummi takusassarsiorpoq
Qallunaat uagut Kalaallit Nunaanniittugut ilisimasaqarfiginngippallaarpaatigut. Aputinik illuliani najugaqartugut isumaqarput, kikkullu tamarmik qimussimik ingerlasarsoraat.
Tassa tamakku isummiutereerneqartartut DR-p radiokkut juullimut ammartakkamik ukioq manna aallakaatitsilluni akerlilerniarsariniarpai.
Ilanngutassiani tiguartisimaarnartuni naatsuni inuit 24-it Nuummeersut oqaluttuarput, taalliortumillu Niviaq Korneliussenimit ilalersorneqarlutik.
Tusarnaarnissamut periarfissat arlallit
DR-mi P1 ullut tamaasa nalunaaqutaq 12.50 ikinnillugut tusarnaarnissaanut periarfissaqanngikkuit, juullimut ammartakkap DR-mi quppernerani tusarnaarsinnaavutit, imaluunniit podcastitut tusarnaarsinnaavat.
Danmarks Radiomi tusarnaaruk: 3900 Nuuk
Podcastitut tusarnaaruk: 3900 Nuuk
Ullummikkut marlunngornermi decemberip aallaqqaataani P1-ip juullimut ammartakkani isiginnaartitsisartoq Hans-Henrik Suersaq Poulsen, Qeqertarsuarneersoq ilisaritillugu aallartippaa.
Atuaruk: DR-ip kalaallisut oqaatsit sammigai