DR-ip kalaallisut oqaatsit sammigai

DR P1 Sproglaboratoriemit aallakaatitassiat nangeqattaartut qallunaanut tusarnaartartunut kalaallit oqaasii arlalitsigut isigalugit aallakaatitassiarineqarput.

Aallakaatitassiortup kalaallisut oqaatsit oqaluttuassartaat aamma ilusaat samminiarpai, ilisimatuut Per Langgård aamma Gitte Hertling peqatigalugit.

Aallakaatitassiaq siullermi robotsi, Martha, kalaallisut oqaluttartup pinngornera sammineqarpoq.

DR-mi tusarnaaruk: Jeg hedder Martha - Jeg er en talesyntese

Allaakkatitassiap allap ilaatigut kisitsisinut taaguusersuinerput sammivaa, quianartunngorlugu bingornikkaanitsinnut nassuiaanertalerlugu.

Oqaatsit kulturilu nassuiarneqarput
DR aamma Lena Lauridsenimit, Danmarkimit Nunatsinnut nuuttarneq pillugu Inussummik atuakkiortumit pulaarneqassaaq.

DR-mi tusarnaaruk: Hvad man skal vide om grønlandsk

Aallakaatitassiani aamma oqaatsinik ilisimatusartoq Nuka Møller ilinniartitsisorlu Gitte Hertling peqataapput. Siulliup taaneqartup ilaatigut aput kalaallisut hunnorujunik taaguuteqartinneranik oqartarneq ilumuunngitsoq uppernarsarpaa, Gitte Hertlingillu isummap akerlianeq oqaaseqartarneq nassuiaateqarfigaa.

Aallakaatitassiami suliarinnittup, Helle Solvangip, kalaallisut oqaatsit aallakaatitassiani arlalinni sammigamigit nuannaarutigaa.

Qallunaat ilisimasakinnerat peerniarlugu ikiuiniartoq
- Aallakaatitassiamik immikkut sammisalimmik kalaallinut paasisimasaqarnermut aamma ilisimasaqarnermut tunngasumik, uagut qallunaat ilisimanngippallaartakkatsinnik suliaqaqqammerpugut. Taanna aallakaatitassiaq ilisimasaqannginnermut aamma kalaallinik ajortumik pinninnermut nungutitsinissamut tapertaali, Sproglaboratoriap Facebookkimi qupperneranut taanna ullumi tallimanngornermi allappoq.

Nutaanik ilikkagaqarusukkaanni aallakaatitassiat tusarnaagassatsialaapput - aamma kalaallisut oqallorittuugaluaruilluunniit nutaanik ilikkagassaqarpoq.

Atuaruk: D: Sulinerup nalaani kalaallisut ilinniartoqarli