nunatta silaannartaa
Doris: Nunatta qulaanneqartarnera qanoq akeqarpa?
Siumup folketingimi ilaasortaatitaa, Doris Jakobsen, aningaasaqarnermut ministerimut, Bjarne Corydonimut, nunatta timmisartunik qulaanneqartarnerata nalinganik aningaasartuutaasarneranullu tunngasunik pingasunngornermi apeqquteqarpoq
Doris Jakobsenip nunanut allanut ministeri Martin Lidegaard Radikale Venstreneersoq apeqquteqaateqarfigaa russit silaannartaminni nunat tamalaat timmisartuisa qulaavaasarnerat annikillisarniarlugu aggustip qaammaataani pilersaaruteqarmata.
Maanna aamma taamani apeqquteqaatigisami assipaluinik apeqquteqaqqippoq. Tamatumuuna aningaasaqarnermut ministerimut Bjarne Corydonimut. Maannami paasisaqarusuppoq nunatta silaannartaata qulaavaaneqartarnerani aningaasat isertinneqartartut aningaasartuutigineqartartullu pillugit.
Imatullu aningaasaqarnermut ministerimut Bjarne Corydonimut Doris Jakobsen apeqquteqarpoq:
- Ministerip inussiarnersumik akisinnaavaa timmisartut nunanit tamalaaneersunit nunatta silaannartaani ingerlarsarneri isertitat aningaasartuutillu ukiuni pingasuni kingullerni qanoq amerlassuseqarsimanersut aamma siunissami akiliutit aningaasartuutillu qanoq qaffakkiartussangatinneqarnersut.
- Minisiterip inussiarnersumik nassuiarsinnaavaa Kalaallit Nunaata timmisartunik nunanit tamalaaneersut Kalaallit Nunaata silaannartaatigoortartunik nakkutilliineq isertitaqartarnerlu akisussaaffigilissappagu qanoq iliuuseqartoqartariaqarnersoq.
Doris Jakobsen najoqqutaralugu aningaasqarnermut ministerip akissutai timmisartunik nakkutilliinerup siunissami qanoq aaqqissuunneqarnissaanut, Doris Jakobsenip aamma Bjarne Corydon kingusinnerusukkut eqqartueqatigiinnissaanni atorneqassapput.