Demokraatit
Demokraatit Sermersooq Kitaa siulittaasortaarpoq
Partiip nunap immikkoortuani immikkoortortami Inatsisartunut ilaasortaq Tillie Martinussen siulittaasutut qinerneqarpoq. Siornatigut partiimi siulittaasuusimasoq Jens B. Frederiksen siulersuisunut aamma ilaasortanngorpoq
Tillie Martinussen sisamanngormat septembari Demorkraatit Sermersooq Kitaani siulittaasutut qinerneqarpoq.
Taassuma siulittaasutut tunuarniarluni aalajangersimasoq Rasmus Dalsgaard Andersen kingoraarpaa.
Tamatuma saniatigut partiimut siulittaasuusimasoq, Jens B. Frederiksen, Demokraatit nunap immikkoortuani siulersuisunut ilaasortanut nutaanut ilanngunnera maluginiarneqassaaq.
Atuaruk: Sermersuup Kitaani Demokraatit nutaamik siulittaasortaassapput
Siuariarnissamik suliniuteqartoq
Tillie Martinussenip siulittaasutut qinerneqarnini tupinnanngitsumik nuannaarutigaa.
- Qinerneqarnera nuannaarutigeqaara aamma sulilernissannut qilanaarpunga. Piffissami aggersumi ulapputissanik ulikkaarpugut ukiummi affaa missaa ingerlareerpat kommunimut qinersisussaavugut. Tamatumani Demokraatinut pingaaruteqarpoq 2013-mi kommunimut qinersinermut naleqqiullugu kusanarnerusumik angusaqarnissarput aamma uanga qularinngilara siulersuisunngortut kommunimut qinersinissami siuttuunissaminnut piginnaaneqarluartut, taanna tusagassiuutinut nalunaarummi oqarpoq.
Demokraatit Sermersooq Kitaata siulersuinut ilaasortat sinneri ukuupput:
- Jens B. Frederiksen
- Jeppe S. Carstensen
- Aviaja M. N. Sinkbæk
- Karen M. Lynge
Atuaruk: Tillie: Tuluttoorneq utaqqisilli