siulittaasuujunnaartoq
Sermersuup Kitaani Demokraatit nutaamik siulittaasortaassapput
Siulittaasoq Rasmus Dalsgaard Andersen, Sermersuup Kitaani Demokraatit siulittaasuattut tunuarniarluni aalajangerpoq
Rasmus Dalsgaard Andersenip ukiup affaa siulittaasooreerluni tunuarniarluni aalajangernerata kingorna, Demokraatit immikkoortortaanni, Sermersuup Kitaani, Jens Frederik Nielsen siulittaasuugallarpoq.
Ulluinnarni sulinini pingaarnerutinniarlugu, Rasmus Dalsgaard Andersen tunuarniuteqarpoq, kisianni partiimut suli ilaasortaanissani neriorsuutigaa.
Siulittaasoq nutaaq nassaarineqassaaq
- Suli demokraatiuvunga, piffissarli alla politikkikkut sulileqqinnissara mattuteqqanngilara, tusagassiuutinut nalunaarummi oqarpoq.
Sermersooq Kitaani Demokraatini siulittaasup tullia Jens-Frederik Nielsen siulittaasutut inissisimagallassaaq. Immikkut ittumik ataatsimeersuarnissamut siulittaasussamik qinersisoqarnissaa siunertaralugu siulersuisuunerit ataatsimiitinniarpai.
Atuaruk: Sermersooq Kitaani nutaamik siulittaasortaarpoq