kommunalvalg 2017
Bentiaraq Ottosen: Inuusuttut oqaaseqartinneqassapput
Kommune Kujallermi kommunalbestyrelsimut qinigaarlaaq Bentiaraq Ottosen, inuusuttut sorusunnerannik paasiniaassaaq.
Bentiaraq Ottosen Kommune Kujallermi kommunalbestyrelsimut ilaasortanngornissamut naammattumik taaguunneqarnerata aningaasaqarnermut ataatsimiititaliami pissaaneqartumi ilaasortannguinnanngilaq.
Inuusuttoq politikeri aamma inuusuttunut ataatsimiititaliami siuttunngussaaq, tassani inuusuttut kommunalbestyrelsimut siunnersuuteqartarnissaat siunertarineqarpoq.
Innuttaasut kissaataat naapertorlugu politikki
- Inuusuttut oqaloqatigineqartariaqarnerat siunertaavoq. Sorusunnersut, qanoq inuuniarnersut apeqqutillu taamaattut pillugit. Taamaalilluta kommunalbestyrelsimi uagut innuttaasut kissaataat malillugit politikkeqalernerulissagatta, Bentiaraq Ottosen oqarpoq.
Atuaruk: Kommune Kujallermi Siumut pissaaneqarluartoq
- Maani kommunimi borgmesterissarpullu tamanna oqaloqatigiissutiginikuuarput. Kujataani inuusuttut qanoq ililluta iliuuseqarfigalugillu ineriartortissinnaanerannut tamanna tunngavoq.
Praktikkerfissat suliffissallu ajornartorsiutaasut
Kommunip pitsaanerusumik iliuuseqarfigisinnaasaanik Bentiaraq Ottosen taakkartuivoq.
- Inuusuttunut, atuarfinnut allanullu suliffeqarfinnut praktikkerfissanullu tunngasunut Nunarput sanngiiffeqarpoq. Inuusuttut sukkut pitsaanerusumik iliuuseqarsinnaanersugut oqariartuuteqarsinnaanerat ajornannginnerulersinnissaa siunertaraarput, Bentiaraq Ottosen oqarpoq.
Borgmesteri Siumumeersoq
Kommune Kujallermi Kiista P. Isaksen Siumumeersoq borgmesterinngorpoq. Simon Simonsen borgmesterimut sinniisunngussaaq, taanna aamma Siumumeerpoq.