Island
Aviisi: Birna Brjánsdóttirip kinaassutsimut uppernarsaataa Polar Nanormi nassaarineqartoq
Kinaassutsimik uppernarsaat arnamit islandimiumit pigineqartoq, kalaallit kilisaataanni eqqaavimmi nassaarineqarsimanerarneqarpoq, Islandimi tusagassiorfik allappoq.
Islandimi tusagassiorfik Ruv upperissagaanni toqutsineq pillugu suliami misissuisut uppernarsaatissanik nassaaqqissimapput.
Nutaarsiassaqartitsiviup tusarfimmik oqaatigisaqarani Birna Brjánsdóttirip kinaassutsimik uppernarsaataa Polar Nanormi nassaarineqarsimasoq tusarpaa. Kinaassutsimik uppernarsaa kalaallit kilisaataanni eqqaavimmi nassaarineqartoq, Ruv allappoq.
Paasissutissallu politiinit uppernarsaqqaarnagit Islandimi tusagassiorfiit allat Ruvimit allaaserisamut issuaapput.
Atuaruk: Birnamut toqutsisutut pasineqartut aqagu killisiorneqaqqissapput
Pasineqartup aappaa sapaammi ullaakkut nalunaaqutaq 6.00 aamma 7.00 akornanni kilisaammut ikisimavoq, pasineqartullu aappa Kia Rio aappaluttumik Hafnarfjörðurip umiarsualivianit kisimi ingerlaqqissimavoq.
Atuaruk: Birna nassaarineqarpoq
Pasineqartoq umiarsualivimmi kaaviaariarluni ingerlaqqippoq. Akunnerit arlallit qaangiummata pasineqartoq umiarsualivimmut uteqqippoq, Islandimi tusagassiorfik allappoq.
Polar Nanormi inuttat marluk toqutsisimasutut pasineqarlutik tigummigallarneqartut, ullumi marlunngornermi killisiorneqaqqissapput.
Taakku immikkoortillugit suli tigummigallarneqarlutik paarnaarussaaqqapput.
Suliaq tamaat pillugu uani atuarit