ICC
Atuakkiortoq ICC-mi pisortaaninngortoq
Eskimolog Mads Fægteborg Nunatsinni Inuit Issittormiut Siunnersuisoqatigiiffiata Nuummi allaffeqarfiani pisortaanertut 1. april atorfeqalerpoq
Mads Fægteborg Eskimologiusoq atuakkiortorlu, ICC-mi pisortanngorpoq.
Taanna apriilip aallaqqaataani atorfinippoq, Danmarkimiillu Nuummut nuulluni.
Atorfik piffissangaatsiaq inuttaqarnikuunngitsoq ukiunut marlunnut killilerneqarpoq, maannakkullu ICC Kalaallit Nunaata siulittaasuata qinigaaffia 2018-imi naasussaq malittussaallugu.
Atuaruk: Attuumassuteqanngitsumik paasisassarsiornermut millionit
ICC allappoq, Mads Fægteborg ukiut 40-it missaat nunatsinnut issittumullu tunngasunik suliaqarsimavoq, taamaattumillu suliat ICC-mut tunngasut ilisimalluarlugit.
Suliffeqarfiutigisimasani aqqutigalugu ukiuni 33-ni assigiinngitsutigut ICC-mut tunngasunik suliaqartarsimavoq, ukiunilu kingullerni najugaqarfimminniit ICC Kalaallit Nunaannut siunnersortaalluni.
Mads Fægteborg nunatsinnut issittumullu tunngasunik atuakkiullattaartarnermigut ilisarisimaneqarluarpoq aamma issittumut tunngasutigut pisuni assigiinngitsuni saqqummiussaqartarnermigut.