Attuumassuteqanngitsumik paasisassarsiornermut millionit
Namminersorlutik Oqartussat siorna millionit sisamararterutaanik peqatigiiffinnut aamma tusagassiorfinnut, sulianut assigiinngitsunut tunngatillugu nutaanik ilisimasanik pilersitsiniassammata tapiissuteqarput
Siorna ukiup ingerlanerani paasisassarsiornermut 1 millionit koruunit tapiissutigineqarsimasut, Namminersorlutik Oqartussat ataasinngornermi ilisimatitsiput.
Ukua peqatigiiffiit tamarmik immikkut katillugu 2015-imi 250.000 koruuninnassimapput:
-
Transparency International Greenland suliniummut 'Nuna Allanngutsaaliugaq'.
-
KNR - Kalaallit Nunaata Radioa, Suliniut taaguuteqartoq: ”Kuannersuarni Killavaallu Alannguanni siunissami suliffissualiassanik suliniutissat”.
-
ICC - Inuit Circumpolar Council Greenland, suliniut taaguuteqartoq: ”Kuannersuit pillugit innuttaasut peqataatinneqarnerunissaat”.
-
SIK / KANUKOKA, suliniut taaguutilik: ”Kalaallit Nunaanni najukkani assigiinngitsuni suliffeqarfiit suliffissuarnut anginerusunut suliniutinit qanoq sunnerneqassanersut”
Atuaruk: Ilisimatusarfimmi immikkoortortaq nutaaq ammalertoq
Aningaasanut inatsimmi aningaasanik illikartitsisoqarsimavoq, taanna Naalakkersuisut siornatigut taaguuteqartippaa 'aningaasat agguagassat pillugit arlaannaannulluunniit attuumassuteqanngitsumik'.
Attuumassuteqanngitsumik ilisimasaqarnerunissaq neriuutaasoq
- Tapiissutitut aningaasat agguagassiissutaat Nunatsinni tusagassiorfinnut arlaannaannulluunniit attuumassuteqanngitsumik Nunatsinnilu soqutigisaqaqatigiiffinnut kiisalu inuit ataasiakkaat aningaasanik qinnuteqarsinnaanermik periarfissaqarnissaasa kissaatigineqarnera tunuliaqutaavoq. Aningaasanik tunniussinermi siunertaavoq tusarniaanermut akissutissanik suliaqarnissamut immikkut ilisimasallit arlaannaannulluunniit attuumassuteqanngitsut ilanngutitinneqarnissaat, kiisalu suliffissuarnut anginerusunut pilersaarusianut annertuunut arlaannaannulluunniit attuumassuteqanngitsumik paasisassarsiornerup suliarinissaanut.
Naalakkersuisut Siulittaasuata Naalakkersuisoqarfia ataasinngornermi tamaatut nalunaaruteqarpoq.
Atuaruk: Sumiiffinni 8-ni uranimut akerliussutsimik takutitsissamaartut
Atuaruk: Naalakkersuisut: Kalaallit uraniutaat qaartartunut atorneqassanngilaq