ilisimatusarneq
Ilisimatusarfimmi immikkoortortaq nutaaq ammalertoq
Sapaatip-akunneri marluk qaangiuppata Research Center for Arctic Oil and Gas, Ilisimatusarfimmi ammarneqassaaq
Ilisimatusarfik, Nuummi universiteti nutaamik ilisimatusarfimmik immikkoortortaangajalerpoq, taanna issittumi uuliamik gasimillu sammisaqassaaq.
Issittumi uuliamik gasimillu qalluinissaq siunertaralugu suliniutit inooqatigiinnermut, naalakkersuinermut aningaasaqarnermullu attuumassutaanik ilisimatusarnissamut immikkoortortaq ukiuni pingasuni atuuttussaavoq.
Inuiaqatigiilerineq aamma inatsisilerineq ukkanneqassasut
Ilisimatusarfissap ammarnersiornerani professorit marluk aqutsisussat Anne Merrild Hansen, inuiaqatigiilerinermik kiisalu Issittumi uuliasiornermik gassisiornermillu ilisimatusarsimasoq, aamma Rachael Lorna Johnstone, inatsisilerinermik professori kiisalu Issittumi uuliasiornermik gassisiornermillu ilisimatusarsimasoq.
Ilisimatusarfittaaq professorillu atorfinitsinneqartut Inuiaqatigiilerinermik, Aningaasarsiornermik Tusagassiornermillu Institutti attavigisussaavaat.
Atuaruk: Uuliarluartoqarnera pillugu oqartussaasut iliuusissamik eqqarsartut
Marsip qeeqqani ammaruni iIlisimatusarnermut tassungalu tunngasut iluini ilisimatusaatissat attuumassutillit ilagisinnaavaat suliffissuit uuliamik gassimillu qalluisut Kalaallillu Nunaanni inuiaqatigiit akornanni peqatigiinnerit, tassunga ilanngullugit inatsisilerineq, inuttussutsip allanngoriartornera, nuuttarneq, suliffeqarneq, ineriartortitsineq kiisalu isumaginninnermut tunngasut, aningaasarsiorneq, nutaaliorneq, attaveqarneq kiisalu inooqatigiinnermut, kulturimut assigisaanullu tunngasut.
Atuaruk: Issittup imartaani qillerineq pillugu Siumumi parteeqatigiit isumaqatigiinngitsut
Atuaruk: WWF: Kalaallit Nunaanni uuliaarluartoqarnera mianersoqqussutaavoq