Dronningi 75-nik ukioqalerpoq
Assit takukkit: Dronningi Nuummi qamutilittarfigineqarpoq
Dronning Margrethep 75-inik ukioqalernera Nuummi Nuutoqqami sisamanngornermi nunamiit umiarsuarmiillu nakkutilliissummit Ejnar Mikkelsenimit qamutilittarnermik malunnartinneqarpoq
Ataqqinartorsuup Dronning Margrethep inuuissiornera pisarneq malillugu Nuummi Nuutoqqami malunnartinneqarpoq. Sisamanngornerlu aamma taamaaliorfigineqarpoq, ataqqinartorsuarmi 75-inik ukioqalermat.
Qamutilittarnerup saniatigut ataatsimoorluni erinarsoqatigiittoqarpoq, kiisalu aamma borgmesteri oqalugiarluni, soorlu aamma dronningip inuuissiornera meeqqat erinarsuutaannik Hinnarimmit aamma Frederik Elsnerimit kiisalu Kammak Bamsenimit atuinikkut malunnartinneqartoq.
Qamutilittarneq nunamit kiisalu umiarsuarmit nakkutilliissummit Ejnar Mikkelsenimit, Nuutoqqap avataatungaaniittumit, ingerlanneqarpoq.
Atuaruk: Nuuk: Qamutilittartoqareerpat annaassiniarnermi sungiusartoqassaaq
Meerarpaaluit meeqqat ulloq unnuarlu angerlarsimaffianneersut politiillu umiarsuarmi najuupput dronningip akunnaalliliilluni inuuissiornera malunnartinniarlugu.
Qamutilittartoqareermat meeqqat nunamut ikaarunneqarput.
Inuuissiortoorneq naggaserlugu Issittumi Sakkutooqarfimmit, Air Greenlandimit Politiiniillu peqataaffigineqartumik annaassiniarluni sungiusarneq ingerlanneqassaaq. Sungiusarneq Nuutoqqamiit malinnaavigineqarsinnaavoq.
Assit takukkit: Dronningi Aarhusimi nersorniarneqartoq
Assiivik: Dronningip inuuiani Nuummi qamutilittarnermit
Dronningip apriilip 16-ani 75-iliineranut atatillugu aviisi AG dronning pillugu immikkut sammisaqarpoq. Aviisimi immikkut sammineqarnera apriilip 15-ani saqqummersoq, akeqanngitsumik pdf-ikkut aaneqarsinnaavoq. Aviisi tamakkiisoq aamma uani pisiarisinnaavat
Assit allaaserisap ataani takukkit