Nuuk Mountain Challenge
Assit: Nuummi qaqqamut arpannermi aajuku ajugaasut
Qaqqamut arpanneq Nuuk Mountain Challenge sapaammi pivoq. Angusat assillu takukkit
Ukiormanna Nuuk Mountain Challengeqarnerani Ukkusissanut arpannermi Janus Eigaard ajugaavoq. Arnani ukiup aappassaa tulleriinnik Niviaq Chemnitz Berthelsen ajugaavoq.
Atuaruk: Qaqqani arpatsitsinissamut Nuuk piareerpoq
Nuuk Mountain Challengemi peqatasut siornamut sanilliullugit marloriaatingajammut amerleriarsimapput ukiormanna 123-it peqataammata siorna 65-it peqataasut. Arpaffissatut toqqarneqarsinnaasut tassaapput Ukkusissat qaavannut imaluunniit Quassussuup qaavanut arpanneq. 65-it Ukkusissat qaavanukarput amerlasuullu ilaqutariittut pisuttuarujoorfigaat.
Atuaruk: Nuuk: Arpanneq qummuinnaq ingerlavoq
Allalli unamminertut peqataaffigaat. Ukkusissanut arpannermi ukiormanna ajugaasuuvoq Janus Eigaard 58,24 minuttit arpattoq, tulliuvoq Frederik Brummerstedt 58,40 minuttit arpattut pingajuuvorlu Jens Bjerre 1.00,80 tiimit arpattoq.
Arnani ajugaavoq Niviaq Chemnitz Berthelsen 1.14,40 minuttit arpattoq tulliulluni Laila Fleischer Meinel 1.16,30 tiimit arpattoq. Nivi Geisler pingajuuvoq atorsimallugit 1.21,35 tiimit.
Siorna ajugaasoq Martin Møller arpaqataanngilaq sulinngiffeqarluni aallaqqanini pissutigalugu.
Quassussuup qaavanuta arpannermi ajugaasuuvoq Magni Høgnesen 15,52 minuttit arpattoq tulliulluni Michael F. Alsbjerg 17,47 minuttit arpattoq. Kristian Bogsholm pingajuuvoq atorsimalugit 18,10 minuttit.
Aappaagu Nuuk Mountain Challenge juunip 14-at pissasoq, aaqqissuisut nalunaarput.
Assit ataani takukkit