Arsaannermi GM
Arsaannermi GM: Kujataani anngunniuttut naligiiginnarput
Angutit arsaallutik GM-qarnissaannut kujataani anngunniuttut naligeeqaat. Angusat takukkit
Angutit arsaannermi GM-qarnissaannut kujataani mellemrundemi unamminerit siulliit naammassimmata peqataasut sisamat tamarmik ataatsimik pointinnapput. GM-ip Nuummi naggataarneqarnissaanut inissaq ataaseq pissarsiariniarlugu unammeqataasut tassaapput K-33 Qaqortoq, Eqaluk 54 Tasiusaq, N-85 Narsaq aamma Nagtoralik Paamiuniit.
Atuaruk: GM: Kujataa tullinnguuppoq
Pointit tamarluinnarmik ilungersorluni anguniarneqartarput unamminerit siulliit Qaqortumi sapaammi pimmata. N-85 Nagtoralimmut Paamiuneersumut naligiiginnarpoq 1-1-mik. Minutsip aappaa affaq ingerlariiginnartoq Nagtoralik ataaseraarpoq. Taamaattoq nangitinnermik ilavaat unammineq naammassilluinnalersoq nammineq ajuuffimminnut isertitsigamik.
Anngunniunnermik aaqqissuisut K-33 Eqaluk 54-imut Tasiusameersumut unammipput taakkulu aamma naligiiginnarput tamarmik marloraarlutik. Eqaluk 54 ajugaangajalluinnarpoq unammineq naammassilluinnalersoq målit sannerutaat eqquinnaramikku.
Unamminerit ataasinngornermi ingerlaqqissapput tassani K-33 aamma N-85 unammissalutik kiisalu Nagtoralik aamma Eqaluk 54 unamminerup aappaani unammissallutik.