GM: Kujataa tullinnguuppoq

Ullumikkumiit sapaammi juulip 20-anni 2014 Kujataani arsaattartut klubbii Nuummi arsaallluni nunatsinni pissartanngorniunnissamut anngunniullutik aallartipput. Unammiuaarnermik aaqqissuussisuuvoq K-1933, tassanilu Kujataani klubbi kakkannerpaaq GM-imut peqataasussaq nassaarineqassaaq. Ukioq manna arsaalluni pissartanngorniunnermi Kujataanit klubbimut ataasiinnarmut inissaqarpoq.
Anngunniunnermi klubbit peqataasut tassaapput N-85, Narsaq, Nagtoraluk-45, Paamiut, Eqaluk 54, Tasiusaq kiisalu Qaqortumi klubbi aaqqissuussisoq K-1933.
– Kujataani dommerinik amigaateqaqqippugut. Avannaanit dommerimik ikinnerpaamik ataatsimik perusussimagaluarpugut, kujataani anngunniunnermi dommerissamik, itigartinneqarpugulli aamma Avannaani anngunniuttoqassammat, Poul Hard, dommerinut akisussaasoq oqarpoq.
Dommeri Narsameersoq ataasiuvoq (Isak Frederiksen) Qaqortumeersullu marluullutik (Poul Hard aamma Ulloriaq Grønvold). Ulloriaq Grønvoldili aqagu, aataasinngornermi aallassaaq, taamaattumik dommerinik ajornartorsiuteqartoqarpoq.
Liniedommerit Poul Hardip ilitsersuuttassavai unamminissat sioqqullugit.

Programmi imatut isikkoqarpoq:
Sapaat 20. juli 2014:
Nal. 16:00 N-85 (Narsamit) - Nagtoralik '45 (Paamiunit)
Nal. 19:00 K-1933 (Qaqortumit) - Eqaluk '54 (Tasiusamit)

Ataasinngorneq 21. juli 2014
Nal. 16:00 N-85 - K-1933
Nal. 19:00 Nagtoralik'45 - Eqaluk '54

Tirsdag 22. juli 2014
Nal. 16:00 Nagtoralik '45 - K1933
Nal. 19:00 N-85 - Eqaluk '54
Taaneqareersutut Nuummi GM-eqarnissaani, holdit arfineq-pingasut peqataaffigisassaanni, Kujataanit holdi ataasiinnaq anngutissaaq.

Nuummi GM-ertoqassaaq aggustip sisamaanit qulingiluaat ilanngullugu.