pisortat nikinnerat
Aningaasaqarnermut pisortaq pisortaaninngorallarpoq
Lars Møller-Sørensen Kommuneqarfik Sermersuumi pisortaagallartussanngortinneqarpoq
Kommuneqarfik Sermersuumi aningaasaqarnermut ataatsimiititaliaata sisamanngornermi, Lars Møller-Sørensen, pisortaanerullartutut iviertinneqarnissaa akueraa.
Atuaruk: Steffen Ulrich-Lynge pisortatut nutaamik atorfinippoq
Marlunnik pisortaaffeqartoq
Lars Møller-Sørensen kommunimi Aningaasaqarnermut Sulisoqarnermullu Kiffartuussivimmi pisortaavoq. Pisortaanerugallartutullu ivertinneqaraluarluni pisortaaffini ingerlatiinnassavaa.
- Kommuneqarfik Sermersuup allaffissornikkut aqunneqarnerata, Lars Møller-Sørensenimit akisussaafigineqarallarnissaa ernumassutissaqartinngilluinnarpara, borgmester Asii Chemnitz Narup tusagassiuutinut nalunaarummi allappoq.
Atuaruk: GE-p Sermersooq nakkutilliisoqarfimmut maalaarutigaa
Qinersisoqareerpat pisortaq nutaaq toqqarneqassaaq
Sapaatip-akunnerata aallartinnerani pisortaasimasup Steffen Ulrich-Lyngep Kalaallit Airportsmimi pisortanngulerami atorfimminit tunuarnini nalunaarutigaa.
Apriilip sisamaanni kommunimut qinersisoqareernerata tungaanut Lars Møller-Sørensen pisortaagallassaaq. Kommunalbestyrelsimut ilaasortanngortut nutaat pisortaaninngortussaq akuerissavaat.