Tunngaviusumik Inatsisissamut Isumalioqatigiisitaq
Amerlanerussuteqarluartut: Lars Emili atorfinissanngilaq
Inatsisartunut siulittaasoq Lars-Emil Johanseni atuartartutsinnut taasititsinermi Tunngaviusumik Inatsisissamut Isumalioqatigiisitami siulissaasussatut piukkunneqanngilaq. Atuartartutta inuusunnerusumik ujartuipput.
Siumup Lars-Emil Johansen Tunngaviusumik Inatsisissamut Isumalioqatigiisitami siulittaasussatut toqqarpaat upernaamulli nunatta Danmarkimiit avissaarnissaa suliaralugu aallatinneqassalluni.
Maannamut 1282-ni qinersisimasuni 80 procentiisa politikkerip misilittagaqarluartup atorfimmut tulluussorinngilaat.
Ukiu ernumatitsipput
Atuartartut ilaannit oqaatigineqarpoq Lars-Emil Johansen 70-nik ukiulik utoqqalivallaartoq.
- Politikkerit inuusunnerusut Tunngaviusumik Inatsisissaq sinaakkusersortariaqaraluarpaat, Paul Djurhuus Nuumminngaanneersoq taama allappoq.
Ditte Junge Pederseni isumaqataavoq ilassuteqarlunilu:
- Lars-Emil Johanseni utoqqalinersiaqaleriaannaavoq tunuarsimaarlunilu inuusunnerusummi akisussaaffimmik tigusisariaqarput siunissallu qanoq isikkoqarumaarnera sinaakkusersorlugu.
Marlunnik atorfeqarneq
Atuartartut ilaasa Lars-Emil Johansenip marlunnik atorfeqalernissaa oqallisigaat nalunnginneqartutummi Inatsisartuni siulittaasuuvoq.
- Lars-Emil Johanseni Tunngaviusumik Inatsisissamut Isumalioqatigiisitami siulittaasunngussaguni Inatsisartuni siulittaasutut unittariaqarpoq, Anda Josefsen taama allapppoq.
Taasititsinermi peqataagit
Linki ataani toorlugu oqallinnermut taasititsinermullu peqataanissamut suli periarfissaqarputit.
Taasititsinermi peqataagit - taasititsinermi inernerit takukkit