Atorfimmut pingaarutilimmut tulluartuua?

Tunngaviusumik Inatsimmut Isumalioqatigiissitami ataqqinaataasumik pingaarutilimmillu atorfimmut Siumup Lars-Emil Johansen siulittaasussatut toqqarpaa.

Tassunga atatillugu atuartartut taasinermut uani qulaani takuneqarsinnaasumut peqataanissaat neriuutigaarput.

Misilittagartooq
Siumup misilittagartooq toqqarpaa, Gyldendalimi ''Den store danske''-mi takutinneqarpoq, tassani Inatsisartunut 2013-imili siulittaasuusoq ima oqaatigineqarpoq:

• Inuusoq 24. September 1946, kalaaleq ilinniartitsisoq aamma politikeri. Lars-Emil Johansen 1971-imi Landsrådimut qinigaavoq, 1973-79 Folketingimi ilaasortaavoq aammalu 2001-11-mi.

• Lars-Emil Johansen 1977-imi partii Siumut pilersitseqataaffigaa, 1977-imi partiimi allattaavoq, 1978-imi siulittaasup tullia aamma 1988-imi siulittaasoq. Hjemmestyrekommissionimi 1975-79 ilaasortaq, Inatsisartuni qinigaq kiisalu 1979-imi Namminersornerulerneq eqqunneqarmat Naalakkersuisunut ilaasortaq siulleq. Lars-Emil Johansen 1991-imi Naalakkersuisut siulittaasuattut toqqarneqarpoq.

• 1997-imi politikkikkut atuuffimminit tamanit tunuarpoq, tassanilu Royal Greenland A/S-imi pisortap tullinngorluni. Lars-Emil Johansen kalaallit ingerlatseqatigiiffiini arlalinni siulersuisuni ilaasortaasarpoq. 2001 tikillugu Royal Greenlandimi pisortap tulliuvoq, tamatumalu kingorna folketingimi ilaasortanngorpoq.

• Aammattaaq Nunatsinni Imigassamut Aanngajaarniutinullu Siunnersuisoqatigiinni 1999-2002 siulittaasuuvoq, aamma APK-mi, Den Grønlandske Havfiskeri og Eksport Sammenslutning, 2001-06.