Folketingi
Aleqa Hammond (S) Ruslandimiittoq
Savalimmiormiut folketingimut ilaasortat peqatigalugit Aleqa Hammond (S) issittumi inatsisartut ataatsmeersuarneranut Ruslandimiippoq
Siumup folketingimut ilaasortaatitaa, Aleqa Hammond, uani sapaatip akunnerani issittumi inatsisartut ataatsimeersuarnerannut peqataavoq.
Hammond tassani inatsisartut allat aamma NGO allat peqatigalugit isumaqatigiissummik kaammattuutitalimmik Issittumi Nunat Naalakkersuisuinut isumaqatiginninniassapput.
Issittumi nunat aamma innuttaasut
Issittumi Inatsisartut ukioq allortarlugu ataatsimeersuarnerat ingerlanneqartarpoq, ukiorlu manna Ulan Udemi Ruslandimiittumi ingerlanneqarpoq.
Ataatsimeersuarnermi inatsisartunit Nunani Issittumeersunit peqataaffigineqarpoq, tamatuma saniatigut nunap inoqqaavisa kattufiineersut NGO-meersullu peqataatitaqarlutik.
Atuaruk: Aleqa Hammondip Wikipediami allagarsiussaani piiaasoq
Aleqa Hammondip Issittumi politikkikkut naapeqatigiinnissamik sulissuteqarniarpoq, tusagassiuutitigut taama nalunaarpoq.
- Ukiuni kingullerni issittumi nunat soqutigineqarnerat malunnaateqarluartumik annertusiartorpoq. Taamaattumik Issittumi akisussaassuseqartumik politikkeqarnissaq nunat akimorlugit naalakkersuinikkut naapeqatigiissutigineqarnissaa aatsaat taamak pingaaruteqaaqartigaaq.
Kalaallit Nunaat suleqatigiinnermik peqataatitsinermillu siulliusoq
Ataatsimut politikkikkut siunniussap silap pissusiata allanngoriartornerani ajornartorsiutit pakkersimaassagai nutaanillu periarfissiilluni, peqatigisaanillu aningaasaliinissanut aamma nunap inoqqaavinut peqataatitsinermik sulissuteqarluni, Hammond isumaqarpoq.
- Oqarsinnaatitaaneq peqatigiinnerlu suliniutini tamani aalajangiisuusussapput. Kalaallit Nunaanni takutissimagipput nunanillu allanit ilinniarfigineqarsinnaasoq isumaqarpunga.
Folketingimit Siumumit aallartitap saniatigut Sjúrður Skaale Javnaðarflokkurinimit aamma Magni Arge Tjóðveldimit peqataassapput.
Atuaruk: Hammond politiinik amerlanerusunik piumasaqarpoq
Video takuuk: Hammondimik issuaaneq siammarterneqartoq