Hammond politiinik amerlanerusunik piumasaqarpoq

Nalagaaffiup politiivi, Danmarkimi inatsiseqarnermut ministeriaqarfik aamma Nunatsinni politimesteri ataatsimeeqatigineranni, folketingimi ilaasortap Aleqa Hammondip (S) Nunatsinni politiit sulinerminni atugaat aamma suliffiit illutaat pillugit isornartorsiuvoq.

Aleqa Hammondip nunaqarfinni aamma kommunefogedinik amigaateqarneq erseqqissarpaa. Sammisaq aamma Inuit Ataqatigiinnit ukiut ingerlaneranni ilungersuuteqarfigineqartoq.

Taassuma saniatigut aammaarluni pingaarutilimmik folketingimi suliassamik eqqaasitsivoq, tassa nunatsinni politeeqarfiit aserfallassimasut.

Atuaruk: Politeeqarnerup pitsaanerulernissaa inatsisinik atortitsinermut ministerip neriorsuutigaa

Ataavartumik ilinniarneq
- Nunaqarfinni 14-iusuni kommunefogedinik atorfeqartoqarnissaa amigaataavoq, nunaqarfiusunilu taakkunani amigaateqartoqarnera inatsisit atuuttuusunut akuerineqaannarsinnaanngilaq, Hammond oqarpoq.

Folketingimi ilaasortaq naalagaaffiup politiivinik Københavnimi ataatsimeeqateqarnermini oqaaseqarfigaa, kommunefogedit ataavartumik ilinniarnissaminnut pikkorissarnissaminnullu pisariaqartitsisut. Kommunefogedit sulinerminni pitsanngorsaavigineqarnissaat aamma oqallisigineqarpoq.

Atuaruk: Aaja: Illersornissamut tunngatillugu nutaamik isumalioqqinnissaq pisariaqartoq

Sulinermi atukkat pitsaanerusut
Aleqa Hammondip aamma tikkuartorpaa, politiinut tunngatillugu pitsanngoriaateqartoqarnissaa pisariaqartoq. Politiit amerlanerusut atorfinitsinneqassasut, taanna ilaatigut isumaqarpoq.

- Tassunga atatillugu pingaartippara, Kalaallit Nunaanni politiit amerlineqarsinnaanerat misissorneqarnissaa. Kalaallit Nunaanni politiit Danmarkimilu politiinut naleqqiussinnaanngillat, suliassaasut assigiinngissitaatuummata, politikeri oqarpoq.

Atuaruk: Aleqa Hammondip qallunaat Nunatsinnik kingulliutitsinerannik ernumassuteqarpoq