isumaqatigiinneq
Aleqa Hammond allatsikuminut 11.000 koruuninik akiliivoq
Politikeri Aleqa Hammond Siumumi partiip allatsigisimasaanut, Kenneth Rasmussenimut, isumaqatigiissuteqarpoq. Katillugu 11.000 koruuninik akiliissaaq
Aleqa Hammondip aamma allatsigisimasaata Kenneth Rasmussenip akornanni isumaqatigiinnginneq, Siumumi politikeriusimasup Kenneth Rasmussenimut 11.000 koruuninik akiliineranik kinguneqartoq.
KNR taama allappoq.
Taassuma sulinermut peqatigiiffini aqqutigalugu Aleqa Hammondimut suliamik aallartitsisimavoq, ullumikkullu isumaqatigiissuteqarnikkut naammassineqarpoq.
Aningaasallu taakku akissarsiatigut, angalanermut sulinngiffeqarnermullu Kenneth Rasmussenip suliatigullu peqatigiiffiata piumasaqaatigisaata affaata missiliorpaat, tassa 11.000 koruunit.
Taakku illuatungeriit akornanni saqitsaanneq siorna aallartippoq, Kenneth Rasmussenip Christiansborgimi qaammatini qulingiluani partiimut allattaarnerata kingorna.
Aamma atuaruk: Siumup allattaa Aleqa Hammondimut suliassanngortitsiniarluni isumaliuutiginnittoq