Politikki
Siumup allattaa Aleqa Hammondimut suliassanngortitsiniarluni isumaliuutiginnittoq
Aleqa Hammond aamma Folketingimi allattoqarfimmi pisortaq aaqqiagiinngereerlutik, pisortani soraarsippaa
Aleqa Hammondip (S) aamma allattoqarfimmi pisortaata Kenneth Rasmussenip, Christiansborgimi suleqatigiinnerat qaammatit qulingiluanit sivisunerunngilaq.
Tassami taakku akornanni aningaasatigut aaqqiagiinnginnermik pisoqarpoq, tamatumalu allattoqarfimmi pisortap juunip qaammataani soraarsitaaneranik kinguneqarpoq.
Radioaviisi taama oqaluttuarpoq.
KNR-imi atuaruk: Aleqa pisortarlu aaqqiagiinngitsut
KNR-ip paasissutissaataat kinaassutsiminnik isertortut naapertorlugit, Borgenimi partiip allattoqarfiani arlalitsigut suleqatigiinnissamik ajornartorsiornermut suliaq tunngassuteqarpoq.
Nuummut tamarmik angalasut
Piffissami matumani Kenneth Rasmussenip sulinermi kattuffini peqatigalugu Aleqa Hammondimut eqqartuussivikkut suliassanngortitsssanerluni isumaliuuteqarpoq, aningaasatigut piumasaqaatini naammassineqannginnera pissutigalugu.
Taakku marluk marsimi Arctic Winter Gamesertoqarnerani Nuummut angalanerat ilaatigut aaqqiagiinngissutigineqarpoq.
Atuaruk: Aleqa Hammond (S) Ruslandimiittoq
Aleqa Hammond meeqqat inuusuttullu issittumi unammiuaarnerannut taamani qaaqqusaavoq, taassumalu saniatigut Nuummi innuttaasunik ataatsimiititsivoq.
KNR-ip paasissutissat pissarsiai naapertorlugit, taamanikkut Kenneth Rasmussen sulinermut atatillugu angalaqataanissamik piumaffigineqarpoq, kisianni Hammondip tamanna ilumuunnginnerarpaa. Taanna naapertorlugu Kenneth Rasmussen sulinngiffeqarluni angalasimavoq.
Video takuuk: Hammondimik issuaaneq siammarterneqartoq
Atuaruk: Aleqa Hammondip Wikipediami allagarsiussaani piiaasoq