RAL
Aarhusip talittarfia atorneratigut millionit sipaarneqarsinnaasut
Containerinik Aalborgimut assartuineq millionerpassuarnik akeqarpoq
Ukiut tamaasa Kalaallit Nunaannit assartuussinermi containerit 20.000-init amerlanerusut poortoqqinneqartarput ikinnerpaamillu lastbiilinit 2500-nit Aalborgimiit Aarhusimut ingerlateqqinneqartarlutik. Aarhusimi umiarsuarnut usilersuunneqartarput nunarsuarmullu ingerlateqqinneqarlutik.
– Silatusaarnerusumik assartuisoqarsinnaavoq Aarhusip umiarsualiviani pisortaq Jakob Flyvbjerg Christesen Namminersorlutik Oqartussat, Royal Arctic Line Kalaallillu Nunaanni avammut niuertut assigiinngitsut ataatsimeeqqatiginiarlugit Nuummeeqammersoq oqarpoq.
Atuaruk: RAL-ip Aalborgimi umiarsualivimmik suleqateqarnini taamaatippaa
– Pisassarpassuaqarpugut naalakkersuinermik suliallit, Royal Arctic Line, nioqqutissanik eqqussuisut, nioqqutissanik avammut niuertut Kalaallillu Nunaanni sulisitsisut ataatsimeeqatigalutigik. Assartuussinermi mikisualuit oqaluuserinerat uatsinnut pissarsinarpoq.
- Aarhusip umiarsualivia soqutigineqarluarpoq Kalaallillu Nunaata assartuussinikkut kiffartuunnissaani suut neqeroorutigisinnaanerivut. Alloriarnerup tullerissavaa suut periarfissaanersut qanillattornissaat.
Atuaruk: RAL-ip Aalborg qaqugu qimakkumaarneraa nalorninartoq
- Aarhusi umiarsualivinni kisiartaanngilaq Royal Arctic Linemit tikinneqartartoq. Imaassinnaavoq umiarsualivimmi Sikukimi isumannaallisartoqassasoq imaluunniit Reykjavikimut, Rotterdamimit Aarhusimullu umiartornissaq toqqarneqarluni.
Atuaruk: RAL: Kalaallit Nunaannut pitsaanerpaasussamik iliussaagut
- Isumaqarluinnarpungali Kalaallit Nunaata assartuussinikkut kiffartuussinera pisariaqassappat aqagu isumagilersinnaagipput, Aarhusip umiarsualiviani pisortaq Jakob Flyvbjerg Christensen oqarpoq.
Aarhusip umiarsualivia atorneqarneratigut sipaarfiusinnaasut allat aamma Sermtisiami kingullermi atuakkit