Aalisarneq
Aalisarnermut inatsimmik amigaateqarnermik eqqummiiginninneq
Aalisarnermi illuatungeriinni politikerillu akornanni Inatsisartut upernaakkut ataatsimiinnissaanni immikkoortup ataatsip, tassalu aalisarnermut inatsisip amigaataanera eqqumiigaat
Aalisarnermut inatsisip ullormut oqaluuserisassanut ilanngunneqarsimannginnera eqqumiigaara, Henrik Sandgreen, KNAPK-p siulittaasua oqarpoq.
Partii Naleqqap siulittaasua aamma maluginnittunut ilaavoq. Inatsisartullu Aalisarnermut, Piniarnermut Nunalerinermullu Ataatsimiititaliaanni siulittaasoq Nikolaj Jeremiassen (S) eqqimiilliortunut aamma akuuvoq. Ataatsimiititaliamilu siulittaasup tulliata Ane Hansenip, immikkoortup akuunnginnera aamma maluginianngitsoorsimanngilaa.
Atuaruk: Karl-Kristian Kruse: Aalisarnermut inatsisit ukioq manna naammassineqassaaq
Kinguartinneqareersoq
– Aalisarnermut, piniarnermut nunalerinermullu naalakkersuisup Karl-Krisgtian Krusip (S) aalisarnermut inatsisip ukioq manna inaarlugu suliarineqarnissaa siorna neriorsuutigigaluarpaa, taanna oqarpoq.
Ataatsimiititaliap siorna suliap annertullunilu inuiaqatigiit aningaasarsiornerannut annertuumik sunniuteqartussaanera pissutigalugu, inatsisiliorluni sulinerup sumut killinnerata itisilernissaa ujartorsimagaa, taassuma nassuiaatigaa.
- Allaanngilarli arlaannaataluunniit suliaq ingerlateqqissimanngikkaa, immaqalumi taamaammat naalakkersuisup taamanikkut taanna Inatsiartut 2015-imi ukiakkut ataatsimiinnissaannut kinguartissallugu aalajangerpaa, taanna nassuiaavoq.
Ullumikkullu taasuuma aamma ukioq manna naammassillugu suliarineqarumaarneranut qulalerpoq.
Atuaruk: Aalisarnermut inatsisissatut siunnersuutip tunuartinneqarnissaa piumasaqaatigineqartoq
Akiumanngitsoq
Karl-Kristian Krusip aalisarnermut inatsisip ukioq manna naammassillugu suliarineqarumaarnera januarimi oqaatigaa.
– Uanga naalakkersuisuuninni aalisarnermik inatsisip naammassillugu suliarineqarumaarnera neriorsuutigisinnaanngilara, taannami sivisuumik suliarineqarpoq, qinersinerillu arlallit, naalakkersuisullu assigiinngitsut aqqusaarpai, taanna taamanikkut oqarpoq.
Apeqqutilli soorlu taassuma qaqugu ullormut oqaluuserisassanut ikkunneqarumaarnera, sunillu imaqarumaarnera, suut tassani unammillernartuunersut, inatsisiliornermi sumut killittoqarnera naalakkersuisut sulia akiumanngikkallarpai.
Allaaserisaq tamaat Sermitsiami saqqummeqqammertumi atuaruk, taanna uani pisiarisinnaavat: