Aalisarneq
Karl-Kristian Kruse: Aalisarnermut inatsisit ukioq manna naammassineqassaaq
Aalisarnermut, Piniarnermut Nunalerinermullu Naalakkersuisup ukioq qaangiuttoq kingumut qiviarpaa. Aalisarnermut inatsisissaq, qaleralinnik annissinermut akitsuut qassiiliutaasoq, aalisarnermillu inuussutissarsiutilinnik suleqatigiinneq ingerlalluanngitsoq pissutigalugit kinguarsarneqarsimavoq
– Neriorsuisinnaanngilanga aalisarnermut naalakkersuisuunerma nalaani aalisarnermut inatsit naammassineqarumaartoq, taanna sivisuumik suliarineqareersimammat, naalakkersuisullu arlallit qinersinerillu amerlasuut aqqusaartareersimammagit, Karl-Kristian Kruse (S) oqarpoq nangillunilu:
– Inatsisilli ukioq manna naammassineqarnissaa tamaviaarutigaarput, maannalu killiffia eqqarsaatigalugu ukioq manna naammassisinnaassavarput, naalakkersuisoq oqarpoq.
Aalisarnermik isumasioqatigiinneq
Karl-Kristian Krusep naatsorsuutigaa inatsit 2017-imi januaarip aallaqqaataani atuutilissasoq.
Aalisarnermut inatsimmut missingersuut Inatsisartut ukiakkut ataatsimiinneranni saqqummiunneqassaaq, naatsorsuutigineqarporlu inatsit taamanikkussamut ukiakkut ataatsimiinnermi akuersissutigineqarumaartoq.
Naalakkersuisut 2014-imi upernaakkut aalisarnermik isumasioqatigiissutsipput, taamanikkut isumasioqatigiinnermi peqataasut inatsimmut allannguutissanik saqqummiussaqarsinnaallutik, taamanilu saqqummiussat inatsisissamut ilanngunneqarnissaat naalakkersuisoqarfiup sulissutigisimavaa.
Oqaluttuaq tamaat Sermitsiami nutaami atuaruk, taannalu uani pisiarisinnaavat: