2015 akunnittarfinnut ukiutsialaavoq

Ukioq 2015 takornariaqarnikkut ukiutsialaavoq, tikittartullu amerleriarnerat aamma akunnittarfinnut sunniuteqarpoq, Kalaallit Nunaanni Naatsorsueqqissaartarfiup kisitsisaataani nutaani tamanna takuneqarsinnaavoq.

Atuaruk: Tysklandimit, Tuluit Nunaannit USA-millu takornariat amerleriartut

Unnuinerit 4,3 procentimik amerlanerusut
Siorna akunnittarfinni unnuisimasut 87.225-iupput, tamannalu ukiup taassuma siulianut sanilliullugu 4,3 procentimik amerleriarput. 2009-mit aamma 2015-imi aatsaat taama amerlatigipput.

Agguaqatigiisillugu unnuisut unnuit 2,6 unnuisarput.

Tikeraartut 9,2 procentimik amerlanerusut
Akunnittarfimmi unnuisut eqqarsaatigissagaanni, 2015-imi 87.225-iusimapput, tamannalu 9,2 procentimik 2014-imut sanilliukkaanni amerleriaateqarlutik.

Unnuisut 56 procentii nunatsinneersuupput, 21 procentii qallunaajusimapput, 23 procentiilu nunanit allaneersuullutik.

Atuaruk: Takornarianik pissarsiniarluni suliniut nutaaq