Timmisartorluni angalasut amerleriarujussuartut

2023-mi timmisartumik angalasut aatsaat taama amerlatigilermata 2024-mi suli amerliartorput.

Tamanna Naatsorsueqqissaartarfiup naatsorsuinerani nutaami erserpoq, tassanilu takuneqarsinnaavoq ukiup qaammataani siullerni marlunni timmisartumik angalasut 10 procentinik amerleriarsimasut.

- 2024-p qaammataani siullermi marlunni timmisartumik ilaasartaammitk nunanut allanut angalasut 8.510-usimapput, tamanna 2023-mut sanilliullugu 10,3 pct.-inik qaffariarneruvoq, Naatsorsueqqissaartarfik allappoq.

Misissuinerup takutippaa pingaartumik Kangerlussuarmi angalasartut amerlisimasut. Naatsorsueqqissaartarfiup nunanut allanut timmisartumik angalasut kisitsisarnerisigut angalasut amerlassusaat naatsorsortarpai.

Takornariat angalasullu ilimagisamit amerlanerusut attaveqaqatigiinnermut naalakkersuisoq Hans Peter Poulsen qanittukkut apersorneqarami oqarpoq.

Takussutissami tulliuttumi timmisartukkut angallanneq mittarfiit nunanut allanut timmisartuussiffiusut agguataarnerat malillugu takuneqarsinnaavoq.