Annonce
Sisimiuni meeqqerivinni inissat 25-it matuneqarput
Meeqqerivimmi Sisimi init marluk matuneqarput - init taakku meeqqanut 25-nut inissaqarput
Meeqqerivik Sisi Sisimiunittoq, meeqqanut 85-inut inissaqartoq ukiumi kingullermi inissaqartinneqartuniit ikinnerusunik meeraateqarsimavoq. Tamatuma kingunerisaaniik Sisimiut kommuniata init marluk matuai. Matusinerullu kingunerisaanik sulisut atorfii arfineq marluk aamma atorunnaarsinneqarput.
Annonce
Meeqqeriivimmi inissarsiortunik utaqqisuerummat, meeqqerivinnilu allani inissanik aamma inoqanngittoqarmat, meeqqanut kultureqarnermullu allaffik isumaqarpoq, Sisimi init marluk matusariaqartut.
Init marluk matuneqarnerat meeqqanut sulisunullu sunniuteqassanngilaq, Sisimiulli kommuniannut paaqqinnitarfinnillu atuisunut sipaarutaassalluni.
Sisimiut kommuniata ulluunnerani paaqqinnittarfik nutaaq meeqqanut 64-n ut inissalik septemberip aallaqqaataani ammarpaa, ammarneratigullu Sisimiut kommunianni meeqqanik meeqqerivinniittussanik utaqqisueruppoq.