Nanoq Qeqertarsuup Tunuani unnuaq takuneqartoq

Sisamanngornerup ullaassaani nal. pingasunut Aglutuup kujataatungaani nanoq takuneqarpoq. Nanoq avannamut Niaqornarsuup tungaanut ingerlasoq takuneqarsimavoq.

Unnuaq Qeqertarsuup Tunuani nannumik takunnittoqarpoq. Sumiiffimmut takornariarpassuaqartumut, Kalaallit Nunaanni Politiit tusagassiuutinut nalunaarummi allapput.

Foto: Leiff Josefsen

Jonna Enoksen Dahl Tusagassiortoq

torsdag 27. jun 2024 14:25

Qeqertarsuup Tunuani nanoq sisamanngornerup ullaassaani nalunaaqutaq pingasunut takuneqarpoq.

Annonce

Avannamut, Arveprinsens Ejlandip tungaanut, kujammut Niaqornaarsummut nanoq ingerlarpasippoq. Sumiiffik takornariarpassuarnit tikeraarneqartarpoq.

Kalaallit Nunaanni Politiit tusagassiorfinnut taama nalunaaruteqarput.

Tamaani angalasut mianersoqquneqarput nannunut tunngatillugu malittarisassat maleqqullugit.

- Nannumik naapitsigaanni nanoq qimaatinniarlugu nilliasoqartariaqarpoq, nipiliortoqartariaqarpoq tallillu aalatillugit nanoq qimaasinniarneqarsinnaalluni. Sumiiffinni nanoqarfiusuni aallaammik qunusaarutissamik nassartuaannarnissaq piumasarineqarpoq, Kalaallit Nunaanni Politiit allapput.

Ilulissani nannuttassat nungussimasut politiit ilisimatitsissutigaat.