Annonce
Namminersornerullutik anigasaliisutaat tamakkiisut
Ilanngussaq qinigassanngortittup kisimi isumagaa. Sermitsiamiit ilanngussanik allanngortitsineq ajorpoq, peersisinnaallunili.
Dette indlæg er udelukkende udtryk for kandidatens egen overbevisning. Sermitsiaq redigerer ikke i indholdet, men forbeholder sig ret til at fjerne indlæg.
Dette indlæg er udelukkende udtryk for kandidatens egen overbevisning. Sermitsiaq redigerer ikke i indholdet, men forbeholder sig ret til at fjerne indlæg.
38-inik ukioqarpunga pingasunillu meeraqarlunga, 1969-imi Thule-mi inuuvunga, nuummili peroriartorlunga.
Sulissutigissavara namminersornerullutik oqartussat anigaasaliissutitik Kommune-mut tamakkiisumik tunniuttassagaai, massakkut Nuup Kommune-ata sanaartorneq meeqerivinnik inissianillu tamakkiisumik akilertarpaai, naak namminersornerullutik oqartussat tamakkuninnga sanaartornerup affaai akilertartussaagaluarlugit.
Ilisimaneqartutut Nuuk nunatsinni illoqarfinni ineriartupiloortut nutserfigineqarnerpaasullu ilagaat, taamatullu inissisimaneranut naapertuuttumik sanaartornerit utaqqisaqattaattoqarani ingerlanneqartariaqarput.
Taamaammat pisortat innuttaasunut sanaartornikkut pisussaaffii Namminersornerullutik Oqartussat aammalu Nuup Kommuneata aningaasaligaannik meeqqeriviliortiternerit attartortakkanillu inissialiornerit innuttaasut pisariaqartitsinerannut siunissamilu pisariaqartitsilerumaarnerannut naapertuuttumik ingerlanneqartariaqarput.
Nuummi innuttaasut amerlassusaannut pisariaqartitsinerannullu naapertuuttumik sanaartornikkut ineriartortitsisoqanngippat innuttaasut sanngiinnerusut ikorfartorneqarnissaminnullu pisariaqartitsisut eqqugaareeqisut suli annerusumik eqqugaassapput.
Assersuutigalugu aallakatitassiami Kalaallit Nunaannit qimaanermi paatsuugassaanngitsumik ersersinneqarpoq innuttaasunik ikorfartuineq isumaginninnikkullu tapersersorneqartariaqartunik aallussineq annertunerujussuusariaqartoq, aningaasallu allatut ajornartumik Namminersornerullutik Oqartussat pisussaaffimminnik sumiginnaanerisa kingunerisaanik sanaartornermut atorneqartuartariaqartillugit aningaasat atorfissaqartinneqaraluaqisut pissusissamisunngitsumik atorneqartuassapput.
Massakkummi Nuup Kommuneata ineriartornera allanngotinneqarsinnaanngitsumik sukkasuumik ingerlavoq, taamaattumik Nuummi ineriartorneq pakkersimaaginnarnagu taperserneqarniarli, inuuneq ajornerulertinnagu.
Inissaaleqinermi maanna takuneqarsinnaalereerpoq Nuummi angelarsimaffeqanngitsut amerliartortut, taakkuuppullu tassa piginneqatigiilluni inissianut imaluunniit inissianut nammineq pigisanut akissaqanngitsut.
Piginneqatigiilluni inissiat aamma inissiat nammineq pigisat pilersineqarmata siunertaasimagunaraluarpoq inissarsiortut ikilinissaat, kisianni massakkut inissarsiorneq aatsaat tamak sivisutigaaq immikkullu iliuuseqarfigineqartariaqalerluni.
Isumaqarpunga Namminersornerullutik Oqartussat eqqarsaqqittariaqatut nassuerutigereeramikku inuttut nunatsinni ajornartorsiuteqartugut, Nuup Kommuneata anigaasat 2008-mut missingersuusiaata takutiinnarpaa namminersornerullutik oqatussat suli soqutiginngikkaat inuunermik pitsanngorsaanissaq.
Ukiut qassissaa namminersornerullutik oqartussat pisussaaffimminnik sumiginnaappat ineriartorneq untsineqarsinnaajunnaareersoq pakkersimaarniaannarlugu, tamannalu tassunga killeqartariaqarpoq!
Qanorli Kommune-rujussuanngorrutta atorluarniartigissavaa, tamannalu pinaveersatinniarlugu sukataarutigissavara.