ISUMAGINNINNERMUT MINISTERI:

Kommunit inatsisinik malinnissimassasut naatsorsuutigilluinnarpara

Keira Alexandra Kronvoldip meerartaassaata pinngitsaaliissummik arsaarinnissutigineqarnissaanut suliami, sapaatip-akunnerani kingullermi aviisimi allaaserisatsinni, inatsisit malinneqarsimanissaat isumaginninnermut ministerip naatsorsuutigaa. – Inuit Pisinnaatitaaffii pillugit Siunnersuisoqatigiit oqaaseqaataat maluginiarpavut, Thisted Kommunemi Meeqqanut Ilaqutariinnullu immikkoortortaqarfimmi pisortaq allappoq.

Isumaginninnermut ineqarnermullu ministerip Sophie Hæstorp Andersenip angajoqqaatut piginnaasat pillugit misissuinerit kalaallinut naleqqussarneqarnissaannik suliniutip unammilligassaqarnera uggoraa. Aammali erseqqissarpaa angerlarsimaffiup avataanut inissiinissamik aalajangiinerit misissuineq ataaseq kisiat tunngavigalugu pineq ajortut. – Pissutsit ataatsimut isigineqartariaqarput, kommunillu inatsisinik maleruaasimanerat naatsorsuutigaara, oqarpoq.

Assiliisoq: Thomas Traasdahl

Trine Juncher Jørgensen tusagassiortoq

Offentliggjort torsdag 07. nov 2024 17:58

Keira Alexandra Kronvold pillugu sapaatip akunnerani kingullermi allaaserisaqarpugut, taassuma naartua inunngorpat Thisted Kommunemit pinngitsaaliissummik arsaarinnissutigineqartussaq sammillutigu.

Taama aalajangiineq attatiinnarneqarpoq, naak kalaallit peqatigiiffiisa arlallit eqqartuussissuserisullu suliap ingerlasimanera angajoqqaatullu piginnaasat pillugit misissuinerit, ilaatigut angajoqqaanut nalilersueriaatsit kulturimut oqaatsinullu naleqqutinngitsut, kommunip aalajangiineranut tunngaviusut sakkortuumik isornartorsiorsimagaluaraat.

Keira Alexandra Kronvold pillugu sapaatip akunnerani kingullermi allaaserisaqarpugut, taassuma naartua inunngorpat Thisted Kommunemit pinngitsaaliissummik arsaarinnissutigineqartussaq sammillutigu.

Annonce

Naleqqussarnissap kinguaattoornera ajuusaarnartoq

Allaaserisap saqqummereernerata kingorna isumaginninnermut ineqarnermullu ministeri Sophie Hæstorp Andersen Sermitsiamut ima allappoq:

”Kommunip meeqqamik angerlarsimaffiup avataanut inissiinissaq isumaliutersuutigippagu tamanna meeqqanut angajoqqaanullu artornarlunilu annertuumik kalluaasarpoq. Taamaattumik kommunit ilaqutariit meeqqallu atugaasa ataatsimut isigalugit, aamma ilaqutariit oqaasii kulturiallu eqqarsaatigalugit, ersarissumik pisussaaffeqarput. Tamanna aamma ilaqutariinnut kalaaliusunut atuuppoq.

AAMMA ATUARUK:

Danmarkimi kommunip kalaaleq ernippat meeraanik pinngitsaaliissumik arsaarniaraa

Taamaattumik uggoraara angajoqqaat piginnaaneri pillugit nalilersuinermi kalaallisut naleqqussarnissaat unammillernartoqarmat. Angajoqqaanut tarnip pissusianik ilisimasallit nalilersuutigisartagaasa naleqqussarnissaat nutsernissaallu ilimagisamit ajornakusoornerusut paasinarsivoq. Tunngavissaqarluartariaqarpugut, taamaattumillu misissuinermik aallartitsivugut neriuppugullu tamanna siunissamut aqqutissiuussiumaartoq.

Pingaaruteqarpoq erseqqissassallugu misissuinerit tamakkua kisiisa tunngavigalugit angerlarsimaffiup avataanut inissiinissamik aalajangiisoqarsinnaannginnera. Pissutsit ataatsimut isigineqartariaqarput, kommunillu inatsisinik maleruaasimanerat naatsorsuutigaara."

Folketingimut ilaasortamit apeqqutit

Kalaallit meerartaat Danmarkimi angerlarsimaffiup avataanut inissinneqaraangata ministeriaqarfiup qanoq nakkutigisarneraa Inuit Ataqatigiit sinnerlugit Folketingimut ilaasortap Aaja Chemnitzip isumaginninnermut ineqarnermut ministeri aperivaa. Aamma ministeriaqarfiup angerlarsimaffiup avataanut inissinneqartarnerit uppernarsaatinik tunngaveqarluartunik tunngaveqarnersut qulakkeerniarlugu nalaatsornerinnakkut misissuisarnersoq.

Apeqqutit taakku ministerimit suli akineqanngillat.

Nalilersuutit isornartorsiorneqartut atorneqartut

Kommune Thistedimi borgmesteri Niels Jørgen Pedersen (V) suliaq pillugu oqaaseqarusunngilaq, Sermitsialli apeqqutaa Meeqqanut Ilaqutariinnullu Ingerlatsivimmi pisortamut Lars Slothimut ingerlateqqippaa. Taanna suliaq pillugu sapaatip-akunnerani kingullermi oqaaseqarpoq.

Thisted Kommunep kalaallinut angajoqqaatut piginnaasanik misissuinermi naliliineq ataaseq kisimi aallaaviuneq ajortoq, Inuillu Pisinnaatitaaffii pillugit Siunnersuisoqatigiit oqaaseqaataat maluginiarlugit naqissuserpaa.

Eqqarsartaatsimut nalilersuutit – sianissutsimut nalilersuut WAIS IV aamma Rorschachip pilikkimik simernermik misissuutit – Thisted kommunemi tarnip pissusaanik ilisimasallip Keira Alexandra Kronvoldimut 2024-mi upernaakkut atugai, kalaallinik angajoqqaanik eqqunngitsumik takutitsisut, Sermitsiap aamma apeqquteqarfigai. Nalilersuutit taakkuupput immikkut ilisimasalinnit aamma Inuit Pisinnaatitaaffii pillugit Siunnersuisoqatigiinnit isornartorsiorneqartut.

Apeqquteqaatinut Lars Sloth ima akivoq:

"Angajoqqaatut piginnaasat pillugit misissuinerit sivisusarput misissuinernillu amerlasuunik imaqartarlutik. Misissuinerit taakkua aamma atorpavut, taakkulu inuttut ataasiakkaatut naliliinikkut toqqarneqartarput. Misissuinerli ataaseq kisimi aallaaviuneq ajorpoq, Inuit Pisinnaatitaaffii pillugit Siunnersuisoqatigiit oqaaseqaataat maluginiarpagut. Misissuineq inunnut ataasiakkaanut naleqqussarneqartarput, innuttaasullu qanoq sivisutigisumik Danmarkimiissimanersut aallaaviusarlutik".

Abonnementer

For at læse videre skal du være abonnent! Log ind

Sermitsiaq.gl - web artikler

Adgang til alle artikler på Sermitsiaq.gl
Pr. måned kr. 59.00
Pr. år kr. 650.00

Vælg

Sermitsiaq - E-avis

Adgang til Sermitsiaq e-avis som udkommer hver fredag
Adgang til alle artikler på Sermitsiaq.gl
Pris pr. måned kr. 191
Pris pr. år kr. 1.677

Vælg

AG - Atuagagdliutit E-avis

Adgang til AG - Atuagagdliutit e-avis som udkommer hver onsdag
Adgang til alle artikler på Sermitsiaq.gl
Pris pr. måned kr. 191
Pris pr. år kr. 1.677

Vælg

Sermitsiaq.AG+

Adgang til AG - Atuagagdliutit e-avis som udkommer hver onsdag
Adgang til Sermitsiaq e-avis som udkommer hver fredag
Adgang til alle artikler på Sermitsiaq.gl
Adgang til Arnanut e-magasin
Adgang til Nutserisoq.gl
Ved interesse send en mail til abonnement@sermitsiaq.gl

Vælg

Kære Læser, Velkommen til Sermitsiaq.gl – din kilde til nyheder og kritisk journalistik fra Grønland. For at kunne fortsætte vores vigtige arbejde med at fremme den frie presse og levere dybdegående, kritisk journalistik, har vi indført betaling for udvalgte artikler. Dette tiltag hjælper os med at sikre kvaliteten af vores indhold og støtte vores dygtige journalister i deres arbejde med at bringe de vigtigste historier frem i lyset. Du kan få adgang til betalingsartiklerne fra kun kr. 59,- pr. måned. Det er nemt og enkelt at købe adgang – klik nedenfor for at komme i gang og få fuld adgang til vores eksklusive indhold. Tak for din forståelse og støtte. Dit bidrag hjælper os med at fortsætte vores mission om at levere uafhængig og kritisk journalistik til Grønland.

samfund