Takornariat qaannatik annaagaat
Takornariat tyskit marluk Upernavimiit Qaanaamut qajartortillutik qaannatik atortullu annaavaat.
knr.gl naapertorlugu tamanna pivoq sapaammi 19. juuli Qimusseriarsuarmi nunaqarfimmit Savissivimmit 35 kilometerinik kangisinnerusumi tyskit takornariat unnuiniarlutik tulareersullu.
- Unnuaata ulikkiartornerani anoraatalu qaannat marluk avalatsissimavaat tissukaallugillu, Marcus Ziebell Tysklandimeersoq oqarpoq. Qaannat taakku marluk aappaluartumik tungujortumillu qalipaateqarput takornariallu taakku marluk atortuinik ulikkaarlutik.
Arlaata qaannat taakku marluk atortulluunniit naammattuussagaluarunikkik arlaat ajunaarsimassasoralugu aarlerilertariaqanngitsut tyskit takornariat marluk KNR-Radioaviisimut oqarput.
- Ajunngilagut Savissivimmullu apuuppugut, Marcus Ziebel Radioavisimut oqaluttuarpoq.
Qaannanik nassaartoqassappat Nikolaj Sørensenimut, Upernavimmi qaannanik atukkiussisartumut, tamanna kalerriutigeqquneqarpoq.