Aallartitaqarneq Nuummut nuunneqartoq
Aallartitat nunanitallaneersutNuummiilersimapput,tamannalu Danmarkipsusassaqarfiit KalaallitNunaatalu nammineqaalajangiiffigisassaasaakornanni tunngaviusumikinatsisit eqqarsaatigalugunalorninaatilinnikannertuunik pilersitsivoq.
Ukiut qulikkuutaat marlussuit matuma siornatigut aallartitat politikerillu Kalaallit Nunaannut isumaqatigiinniarniaraangamik Københavniliartariaqartarsimapput.
Ullumikkut aallartitaqarneq Kalaallit Nunaata nunarsuarmi politikkikkut pingaarutaata annertusisimanerata kinguneranik Nuummut nuunneqakannersimavoq. Tamatuma qaqugukkut Danmarkip qaqugukkullu Kalaallit Nunaata aalajangiisussaaneranut tunngasuni nalorninaateqartut annertunerulersissimavai. Taamaalillunilu Nuuk tassaalerpoq aallartitaqarnikkut suliaqarfiginiassallugu ilungersunartoq. Taama Dansk Institut for Internationale Studierimi (DIIS) ilisimatusartuuneq Ulrik Pram Gad nalilersuinermi, Ilisimatusarfimmi aaqqissuussinermi soqutiginnittunut ataatsinngornermi ilisaritinneqartussami, aviisi Sermitsiaq naapertorlugu allappoq.
Nalilersuineq aallartitanik sinniisunillu Danmarkimit, Kalaallit Nunaannit nunanillu allanit pisunik apeqqarissaarfiginninnernik oqaloqateqarnernillu tunngaveqarpoq.
Naligiinnginnermut tunngasoq
Nalilersuineq naapertorlugu Naalakkersuisut namminneq aalajangiisinnaanertik annertusiartortikkiartuaarpaat, Danmarkillu tunuarsimaarnerunissaq toqqarsimallugu.
Danmarkip Kalaallit Nunaatalu akornanni piginnaasanik agguataarineq aalajangiiniartarnermilu suleriaatsit pisariupput. Naalakkersuisut aamma Namminersorlutik Oqartussat kikkut oqaloqatigineqarnissaannik suullu oqaloqatigiissutigineqarnissaannik namminneq aalajangiisussaanerminnik kimigiisissutiginninnermikkut killissanik illuartiteriuarsinnarput. Aamma nunasiaatilittut naqisimannittutut pissusilersornermit Kalaallit Nunaata Danmarkimik isumalluuteqarunnaariartuaarnissamut sakattarnerusinnaammagu, Danmarkimi naalakkersuisut tukernersornissamut tunuarsimaarput, Ulrik Pram Gad allappoq, inerniliillunilu, Danmarkimi mianersornissamik tunngaveqarnissaq pissutigalugu Kalaallit Nunaat peqataanissamut qaaqqusaraa – aamma ataatsimiinnernut susassaqarfiginngikkaluagaannut, qallunaap atorfilittap nalilersuinermi oqaatiginninneratut.
Ilanngutassiaq tamaat aviisimi Sermitsiami sapaatip-akunnerani matumani saqqummersumi atuaruk, ugguuna iserfigisinnaavat: