»Pingasooqatigiinneq eqqumiitsoq«
Kalaallit Nunaanni ineriartorneq ilaatigut tupinnartuliaannangajaasimavorluunniit. Atuakkiortoq oqaluttuarisaanermillu ilisimasalik ilisimaneqarluartoq taamatut isumaqarpoq, nunalu alla »kukkorujussuarsimasoq« tikkuarlugu.
Bo Lidegaard Nuummiikkami, Ilisimatusarfimmi oqalugiarluni sivikitsumik eqqarsalaariarluni tusarnaartuni isaatigut qiviarlugit aperai:
- Sooq taamatut oqarnersunga paasivisiuk?
Aap, tusarnaartut tamanna paasivaat.
Aviisi AG taama allappoq.
Bo Lidegaard atuakkiortuuvoq nersornaaserneqarsimasoq, aaqqissuisuunerusimavoq, atorfilikkaajusimavoq, oqaluttuarisaanermik ilisimasaliuvoq, Atlantikumilu Kalaallit Nunaata, Danmarkip USA-llu 1940-kkunniilli pingasooqatigiilersimanerannik immikkut ilisimalisaliulluni.
Tamanna pissutigalugu Nuummiippoq. Ilinniagartuutut oqaluttuariartorlugu sorsunnersuup kingulliup kingornaniit ullumikkumut USA-p, Kalaallit Nunaata Danmarkillu akornanni pissutsit qanoq ineriartorsimanersut, nunallu taakkua pingasut, imminnut ataqatigiissut, siunissaat qanoq isikkoqarnersoq.
Tusarnaartulli suna paasisimavaat?
Naatsumik oqaatigalugu, nunarsuaq ukiuni qulikkaani kingullerni siumut takuneqarsinnaanngitsumik ineriartorsimasoq. Nuna sunaluunniit – ingammik Kalaallit Nunaat Danmarkilu – kisimiikkuni nammineersinnaanngitsoq. Lidegaard naapertorlugu tuluit EU-mit aninerat assersuutissaavoq kisimiinniarneq qanoq sianiilliornerutigisinnaanersoq.
- Kisimiilluni nukittunerulernissamik oqarneq ilumuunngilaq. Tuluit Nunaanni inunnik nakutitsiniartartut innuttaasut ussiataarpaat EU-mit anineq pitsaanerpaajussasoq. Oqalupput ulluinnarni atukkatigut akornutaasut tamarmik avataaneersuusut. Ilaat tamatumunnga pisuusut – tassa allat. Tamakkualu peerneqarpata, allaffissornerujussuarmik pingaartitsisut bureaukratit, akornutigineqartut peerutissapput.
Aviisimi AG-mi atuarnerusinnaavutit: