Nuummi aqunneqarsinnaanngitsumik tuniluuttoqalersoq
Sapaatiummat saqqummiunneqarpoq tunillatsissimasut 26-nngorsimasut. Oqartussanit oqaatigineqarpoq tunillatsissimasut arfineq-pingasunik ilasimasut. Nuummi innuttaasut arlallit misissortittariaqartut, nunatsinni nakorsaaneqarfimmit kaammattuutigineqarpoq.
Nuummi coronavirsup aqunneqarsinnaanngitsumik tuniluunneranik pasitsaassisoqarpoq. Oqartussat piffissami kingullermi tunillatsissimasut ingerlaartarnerannik misissuisimanerisa tamanna takutippaat..
- Arfininngormat unnukkut paasineqarpoq Nuummi inuit sisamat allat tunillatsissimasut, sapaatiummallu tunillatsissimasut allat pingasut paasineqarluni. Nuummi tunillatsissimasut taamaalilluni qulinngorput.
Corona pillugu aqutsisoqarfik sapaatiummat nittartakkamigut taamatut ilisimatitsivoq.
- Inuit qulit tunillanneqarsimasut angerlarsimaannarput. Nuummi tunilatsissimasut ilaat tunilatsissimanertik suli ilisimalersinnagu illoqarfimmi angalaarsimapput, corona.nun.gl-ikkut ilisimatitsissutigineqarpoq.
Angalaarsimanerit misissuiffigineqartut
Tunillatsissimasinnaasumik ujaasisoqarlunilu tunillatsissimasut angalaarsimaneranik oqatussat misissuiffigisimavaat.
Taamaammat Nuummi innuttaasut juulip qulinganiit juulip 17-ia ilanngullugu sumiiffinni taaneqartuni najuussimassimasut misissortinnissaat kaammattuutigineqarpoq.
Sumiiffiit pineqartut tassaapput:
Brugseni Natalies, Nuussuaq
Pisiffik Qinngorput
FitnessGL, sullorsuup eqqaaniittoq.
Neriniartarfik IGGU
Imerniartarfik Aurum
Cafeteriat Igaffik (u. 10/7 aamma u.12/7)
Nuummi Misissuivik ataasinngornermi juulip 19-ianiit arfininngorneq juulip 24-ata tungaanut nal. 12.30-miit – 14.00 tungaanut ammasassaaq. Piffissamik inniminniisoqartariaqanngilaq.
Ataasinngornermi tusagassiortunik katersortitsisoqassasoq
Naalakkersuisut sapaatiummat ualikkut ilisimatitsissutigaat, coronavirusip tuniluunnerata killiffia pillugu ataasinngornermi juulip 19-ani qulinut tusagassiortunik katersortitsisoqassasoq.
Tassani tuniluunnerup unitsinneqarnissaanut suliniutit nutaat saqqummiunneqassasut naatsorsuutigineqarpoq.
- Ungasinngitsukkut iliuusereqqitassatut innersuussutit coronamik suliaqartuniit apuunneqaqqammerput. Taamaalillungalu partiit siuttuinut ingerlatinnissai tullinnguuppoq, isumaqatigiissutaanissaat pisussaaffiliunneqarsimasut malillugit qulakkeeqqissarniarlugu, Naalakkersuisut Siulittaasuta Múte B. Egede Facebookimini allappoq.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...