Siumup Sermersuumi imminut pisarisoornera
Nuummiit suliffissanik nussuinissamik pilersaarutit qinersinermi ajorsarnermutnassuiaatissanut ilaapput, taaguunneqarluartoq Martha Abelsen oqarpoq.
Kommuneqarfik Sermersuumi ikaarsaariarnermut ataatsimiititaliamut kommunimut
apriilimi 2008-mi qinersisoqarmalli, Inuit Ataqatigiit Demokraatillu siullermeerlutik
suleqatigiilerfigisaannik, partiip nunatsinni kommunit inuttunersaanni
borgmesteriutitaqarsimannginnera Siumumi anniaataasimavoq. Aviisi Sermitsiaq allappoq.
Tamatumuunali iluatsinniarneqartussaasimavoq.
Siumup Nuummi immikkoortortaqarfiup siulittaasua, Inga Dora G. Markussen,
borgmesterinngorniartussatut sassartippaa, Naalakkersuisuni misilittagalimmik Martha
Abelsenimik tapertalerlugu. Suleqatigiit marluk imaaliallaannaq nukittuutut isikkullit. Inga
Dora G. Markussen Siumumi aaqqissuussaanikkut siulittaasup aamma tulleraa, partiilli
siulitaasua Erik Jensen qineqqusaarnermi siusissukkulli illoqarfiit pingaarnersaata atuuffia
pillugu nalorninermik pilersitsivoq, Nuummiit sinerissamut atorfinnik 600-nik
nussuinissamik pilersaarutitoqaq uummarissaqqikkamiuk.
Taamaalilluni najukkami qinigassanngortittunut nussuinissap tamatuma nassuiarniarnissaa
ajornakusuulerpoq, Siumullu naggataatigut kommunalbestyrelsimi inissanit 19-init
arfinilinnik ilaasortaatitaqaannarluni. Inga Dora G. Markussen 358-init taaneqarpoq, Martha
Abelsenilu 569-init taaneqarluni.
Ilanngutassiaq tamaat Sermitsiami sapaatip akunnerani matumani saqqummresumi atuaruk, taanna iserfigisinnaava ugguuna: