Gå til hovedindhold

Ukiuni qulingiluani pineqaatissinneqartoq: Angut toqutsisimasutut toqutseriarsimasutullu eqqartuunneqarpoq

Kujallermi Eqqartuussiviup angut martsimi 2020-mi toqutsisimasutut toqutseriarsimasutullu pingasunngornermi 20. januar eqqartuuppaa, ukiuni qulingiluani pineqaatissinneqarsimasut isertitsivianiittussanngorlugu.

Angut Kujallermi Eqqartussivimmi martsimi 2020-mi toqutsisimasutut toqutseriarsimasutullu pingasunngornermi 20. januar eqqartuunneqarpoq. Ukiuni qulingiluani pineqaatissinneqarsimasut isertitsivianniittussanngorlugu eqqartuunneqarpoq.

Kalaallit Nunaata Politiivi tusagassiorfinnut taama nalunaaruteqarput.

Pinerluttulerinermut inatsit naapertorlugu pineqaatissiissutit ukiut qulit sinnertussanngilaat. Taamaammat pineqaatissiissut ukiunik qulingiluanik sivisussusilerneqarnera sivisuutut nalilerneqarsinnaavoq.

- Pineqaatissiissutit ukiut qulit sinnerneqaqqusaannginnerat isigissagaanni qularineqarsinnaanngilaq eqqartuussiviup suliami ukiuni qulingiluani pineqaatissiinera sakkortuumik isiginninnermik tunngaveqartoq, suliami aalajangiisoqarneranut tunngatillugu unnerluussisoq Martin Dahl Fuglsang oqarpoq.

Eqqartuussiviup aalajangernera akuerineqartoq

Eqqartuunneqarnermi ilanngullugu aalajangerneqarpoq angut toqusup inooqataanut 100.000 koruuninik taarsiissutitut akiliissasoq, taamatullu toqutseriarnermi pinerlineqartumut 20.000 koruuninik taarsiissutitut akiliissasoq.

Eqqartuussiviup aalajangernera illuatungeriinnit akuerineqarpoq.

- Unnerluutigineqartoq pinerluttulerinermi inatsimmi pinerlunnermik sakkortunerpaamik iliuuseqarsimavoq, taamaattumillu isumaqarpoq eqqartuunneqartoq ukiuni qulingiluani pineqaatissinneqartariaqartoq, taamatullu taarsiisariaqartoq. Eqqartuussiviup aalajangernera naammagisimaarpara, Martin Dahl Fuglsang.

Martsimi 2020-mi angut inuusuttoq Kalaallit Nunaata Politiivinit tigummigallarneqalerpoq, arnamik 62-inik ukiulimmik toqutsisimasutut taamatullu arnamik 42-nik ukiulimmik toqutseriarsimasutut unnerluunneqarluni.

LÆS OGSÅ: 18-inik ukiulik toqutsisimasutut unnerluussaalluni tigummigallarneqartoq
Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER