Sisimiuni arnaq ujaarineqartoq

Pauline Kleist, 69-inik ukiulik, aqqusinikkut Deichmannip Aqqutaatigut marlunngornermi 19. januar kingullermik takuneqartoq, Sisimiut Politiivinit maanna ujaarineqarpoq.

Sisimiut Politiivi tusagassiorfinnut taama nalunaaruteqarput.

Arnap qanoq innera politiinit ernummatigineqarpoq, taamaammallu ujaarineqartoq politiit attaveqarfigerusuppaat.

Arnaq ima nassuiarneqarpoq:

• Arnaq kalaaleq
• 69-inik ukiulik
• 150 cm missaani angitigaaq, timaa nalinginnaasumik sananeqaateqarluni
• Nujai qeersaalersimasut tuianut killipput

Kingullermik takuneqarami qernertumik nasaasartaatigut meqquluaasartalimmik "Polar"-imik meqqilimmik kavaajaqartoq, qernertunillu qarleqartoq takuneqarpoq.

Sisimiut Politiit Pauline Kleistimik takunnissimasinnaasut, sumiinnerannilluunniit ilisimannissinnaasut attaveqarfigerusuppai.

Innuttaasut ilisimasaqarsinnaasut Sisimiut Politiivinut, oqarasuaat 701322-mut sianeqquneqarput.