Gå til hovedindhold

Kangerlussuaq: Mittarfik iluarsaanneqassaaq

Ukiut pingasut qaangiuppata Kangerlussuarmi mittarfiup iluarsaanneqarnissaanik suliap aallartinneqarnissaa naatsorsuutigineqarpoq, taamaalilluni timmisartut nalinginnaasut kiisalu danskit amerikamiullu illersornissaqarfiisa mittarfik pingaarutilik atorsinnaassammassuk.

Danskit illersornissaqarfiat Kangerlussuarmi mittarfimmik 2.500 meterinik takissusilimmik tamakkiisumik atorsinnaasumik pisariaqartitsivoq, naalakkersuinikkut suliallit arlallit sulinerup killiffianik nalunaaruteqarneranni tamanna atuarneqarsinnaavoq.

Suleqatigiissitat arlallit Kangerlussuup siunissaa pillugu suli suliamik ingerlataqartut ilisimatitsissutigineqarpoq, mittarfiup saniatigut aamma talittarfiliortoqarsinnaanera, Sisimiunullu aqqusinermik suliniut tassani ilaapput.

2023-mi iluarsaassineq
Mittarfik annerusumik iluarsaanneqassaaq, tamatuminngalu suliaqarneq 2023-p naanerani aallartinneqarsinnaanera naatsorsuutigineqartoq, tusagassiuutinut nalunaarummi ilisimatitsissutigineqarpoq.  

Talittarfiliortoqarsinnaanera pillugu ilisimatitsissutigineqarpoq, pisariaqartitsinerup nalilersorneqarneranik suliaq aammalu akilersinnaassutsimik misissuineq sulissutigineqartut. Aqqusinermik suliniut pillugu nutaamik paasissutissaateqartoqanngilaq.

Kangerlussuup siunissaa pillugu politikerit nuimasut ima oqarput:

- Suliniutinik arlalinnik aallartitsisoqarpoq, tassanilu suliassat Kangerlussuarmi mittarfiup ingerlanneqarneranut ilaatinneqanngitsut Mittarfeqarfinniit avissaartinneqarnissaat aalajangersimasumik sulissutigineqarpoq. Tassani inissianik illunillu attartortitsinerit, eqqaavilerinerit, upalungaarsimanermi suliassat, pilersuineq allallu pineqarput. Suliniutini nunaqarfimmi pissutsit nalinginnaanngorsarneqarnissaat, taamaalillunilu kommunip najugaqartullu pitsaanerpaamik ineriartortitsinissamik kissaataannut tapersersuinissaq qulakkeerniarneqarput.

Ataqatigiissaarineq
Suleqatigiissitat arlallit ataavartumik paasissutissat suliarineqartut ataqatigiissaartaraat aamma ilisimatitsissutigineqarpoq.

Vittus Qujaukitsoq, Aningaasaqarnermut Naalakkersuisoq, Karl Frederik Danielsen, Ineqarnermut Attaveqaqatigiinnermullu Naalakkersuisoq, Jens-Frederik Nielsen, Inuussutissarsiornermut Aatsitassanullu Naalakkersuisoq, Steen Lynge, Nunanut Allanut Nukissiuuteqarnermullu Naalakkersuisoq, Malik Berthelsen, Qeqqata Kommuniani Borgmesteri, killiffik pillugu nalunaarummik nassiussisuupput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER