Gå til hovedindhold

Tarnikkut nappaatilinnut illussaliornermi missingersuutinik sippuisoqartoq

Peqqinnissaqarfik tarnikkut nappaatilinnut illussap pilersaarusiornerinnaanut missingersuutit 8 millionit koruuninik sippuivoq.

Sanaartorneq suli aallartinneqanngitsorluunniit, tarnikkut nappaatilinnut illussamut aningaasartuutit 8 millionit koruuninik amerleriarput.

Aningaasaqarnermut Akileraartarnermullu Ataatsimiititaliap decembarip 16-anni ataatsimiinneranit imaqarniliami tamanna atuarneqarsinnaavoq.

Naalakkersuisut Peqqinnissaqarfiup kontoanit allamit: “Sanaartugassaat nutaat iluarsagassallu assigiinngitsut”-nit nuussinikkut aningaasalerneqarnissaat piumasaraat.

Kisianni suliamut ataatsimiititaliamit immikkut ittumik oqaaseqartoqartinnagu, aningaasaqarnermut ataatsimiititaliap aningaasartaliinissamut qinnuteqaat itigartitsissutigaa.

Nassuiaat
Millionilikkaanik sippuinermut nassuiaat imaappoq, ”Aqutsisuni atorfiit pingaarutillit taarserarnerat” pissutaasoq, tamannalu Peqqinnissaqarfiup aningaasaleeqqittoqaqqinnissaanik siusinnerusukkut qinnuteqarsimannginneranut pissutaasoq.  

Aammattaaq aningaasaqarnermut ataatsimiititaliamit imaqarniliami atuarneqarsinnaavoq, “Peqqinnissaqarfiup aamma Ineqarnermut Ineqarnermut Attaveqaqatigiinnermullu Naalakkersuisoqarfiup akornanni peqqinnissaqarfimmi sanaartornissamut kontumi pilersaarusianut aningaasat atorneqarnissaannut piffissaliussat pillugit paatsoortoqarsimasoq”.

Naalakkersuisut aningaasaqarnermut ataatsimiititaliamut innersuussinerminni naqissuserpaat, “Taamatut pisoqaqqinnginnissaa qulakkeerniarlugu peqqinnissaqarfimmi sanaartornissamut pilersaarutit pillugit aqutsineq sukaterisoqassaaq.”

Peqqinnissaqarfik assersuutigalugu sanaartoriaatsinut atortunillu toqqaanermut piumasaqaateqannginnera, aningaasaqarnermut ataatsimiititaliap tupigusuutigaa. Tassami Naalakkersuisut allapput:

- Illussap atorneqarnissaanut pisariaqartinneqartut eqqarsaatigalugit imaluunniit sanaartornissamut maleruagassani piumasaqaatit pisariaqartinneqartut kisiisa piumasaqaatigineqassapput. Taamaattumik Suliassanik tamanik suliarinninnissamut neqerooruteqartut nalinginnaasut namminneq immikkuullarissutigisatik ilanngullugit neqerooruteqarsinnaalerput. Sanaartoriaatsinut pissutissaqanngippallu sanaartuutissanut (materialer) piumasaqaateqartoqassanngitsoq aalajangiunneqarpoq.

Aningaasaqarnermut ataatsimiititaliap nassuiaat qularutigaa
Aningaasaqarnermut ataatsimiititaliaq ilisimatitsinermut tassunga qularutiginnippoq, “tassami tarnikkut nappaatilinnut illussamik sanaartortoqartillugu atortussanut il.il. piumasaqaatit nalinginnaasumik annertusarmata”.

- Taamaattumillu siuliani allassimasut tamakkiisutut isigineqarsinnaanersut oqaaseqarfigineqarnissaa siunertaralugu taamatut naliliineq ataatsimiititaliamit susassaqartumut nassiunneqassasoq ataatsimiititaliamit inassutigineqarpoq, ataatsimiititaliaq allappoq, taanna akissuteqartoqareerpaat inassuteqaammik suliarinneqqinnissamut piareersimavoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER