Gå til hovedindhold

Nuup aqutsiveqarfinngortinneqarnissaa aalisarnermut iluaqutaassaaq

Nuup Kangerluani aalisarneq sakkukillineqartariaqarsorineqarpoq - qaleraleqassuserlu assiginngitsunik isumaqarfigineqaraluartoq, qalerallit mikinerulersimanerat assortuussutigineqanngilaq

Januarup aallaqqaata aallarnerfigalugu qaleralinniarfiit pisassiiffiunngitsut atorunnaarsinneqarnissaat, aqutsiveqarfiillu nutaat quligiluat pilersinneqarnissaat, Naalakkersuisut anguniarpaat. 

Tassanilu aamma Nuuk immikkut aqutsiveqarfinngortinneqassasoq anguniarneqarpoq. Nuup Kangerluani qaleralinniarneq 2009-mi aallartinneqarmat, qalerallit ukiumut 200 tonsit missaanniittut pisarineqartarput, Sermitsiaq allappoq.

Ukiunili kingullerni 1100 tonsit ilaatigullu taakkunannga amerlanerusut pisarineqartarlutik, taakkulu Pinngortitaleriffiup pisassatut innersuussutigisartagaanniit marloriaatit sinnerlugit amerlanerupput. Aalisarnermut Piniarnermut Nunalerinermullu Naalakkersuisoq, Jens Immanuelsen (S) naapertorlugu, aqutsiveqarfiusimanngitsuni pisassiiffiunngitsumillu aalisarfiusimasuni, pisassiissutaalertussat, pisarineqartarsimasut amerlassusaannut naapertuuttumk amerlassusilerneqarnissaat pilersaarutaavoq.

Nuup Kangerluani pisassiissuteqanngitsumik aalisartoqarnera pissutigalugu qaleraleqassutsip innarlerneqaratarsinnaanera, Pinngortitaleriffimmiit siornartigut ernamanartutut nalilerneqarnikuuvoq. 

Tapersiineq

Ukiorpassuarmi Nuup Kangerlua sinerissamiit aalisartorpassuarnit ornigarneqartarsimavoq.                   Nuup Kangerluani qalerallit qassutinulluunnit napissinnaanngitsut ningittanik pisarineqartalersimasut amerliartornerat, Nuummi aalisartut piniartullu peqatigiiffiata siulittaasuanit, 34-inik ukiulimmit Vilhem Egedemit, marlunnik aalisariutaateqartumit, maluginiarneqarpoq.  

Nuup Kangerluani aalisartut amerliartorusaarsimapput, siunissamilu suli amerlaneruleqqissappata, tamanna aalisartut amerlavallaalernerannik kinguneqarsinnaasoq, aalisarnerlu sakkortuallaartumik ingerlanneqaleratarsinnaasoq, Vilhem Egede isumaqarpoq. Taamaattumik Nuup immikkut aqutsiveqarfinngortinneqarnissaa, taassuma isumaqatigaa. 

Allaaserineqartoq aviisimi Sermitsiami tamakkiisumik atuaruk. Aviisi uani pisiarineqarsinnaavoq:

Borgmester Charlotte Ludvigsen: Børn og unge skal inddrages mere
Børn og unge skal i højere grad inddrages, når noget vedrører dem. Hvad enten noget handler om det enkelte barn eller en større gruppe af unge, er det Borgmester Charlotte Ludvigsens ambition, at...
Stolte Ildsjæle hyldet i byrådssalen
Borgmester Charlotte Ludvigsen havde det helt store smil fremme, da hun overrakte prisen som årets ildsjæl til hele tre forskellige modtagere. To af modtagerne var til stede, mens en ildsjæl fra...
Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

Seneste Ugeavis

SENESTE NUUK - NYHEDER