Gå til hovedindhold

Danmarki kalaallinut coronamik nappaateqartunut ikiuunnissamut piareeqqasoq

Peqqissutsimut Aqutsisoqarfimmi pisortap Søren Brostrømip ataasinngormat naqissuserlugu oqaatigaa, Danmarki Kalaallit Nunaanni Savalimmiunilu napparsimasunut ikuissalluni piareeqqasoq, tassa nunat taakku marluk anersaartuutinik amigaateqalissagaluarpata.

Danmarkimi ulluni makkunani Covid-19-imik tunillatsissimallutillu unitsinneqartartut amerliartorput.

Danmarkimi taamatut inissisimasoqaraluartoq, peruluttut uninngavianni napparsimasut anersaartuutinik pisariaqartitsisut isumaginneqarnissaannut suli atortussaqarluartoqarpoq. Taamatullu atortussaqarluartoqarnera Kalaallit Nunaannut aamma iluaqutaasinnaavoq.

Peqqissutsimut Aqutsisoqarfimmi pisortap Søren Brostrømip ataasinngornermi ualikkut tusagassiortunik katersortitsinermit tamanna naqissuserlugu oqaatigaa.

- Soorunami naalagaaffeqatitta sinneri aamma eqqaamavagut, tassa Kalaallit Nunaanni Savalimmiuniluunniit napparsimmavinni uninngasut ikiorserneqarnissamik pisariaqartitsisut ikiorsissavagut. Aaamma nunarsuarmi tuniluuttoqarnerani taamaaliortareerpugut, Savalimmiunimi Kalaallillu Nunaanni peruluttut uninngavianni killilipilussuarmik atortussaqartoqarpoq, Søren Brostrøm tusagassiortunik katersortitsinermi oqarpoq.

Suli atortussaqarluartoq

Pisortap erseqqissaatigaa, Danmark napparsimasut amerlissagaluarpata ikiuutaasinnaasunik pissaqarluartoq:

- Oqaatigeqqikkusuppara, Danmarkimi peruluttut ikiorserneqarnissaannut immikkut ernumassuteqannginnatta.

- Atortussaqarluarpugut, aamma piaarnerpaamik iliuuseqarnissamut periarfissaqarpugut. Martsip qaammataaniit apriilip qaammataanut sungiusarsimavugut, pisariaqartitsisoqalissagaluarpallu iliuuseqarsinnaavugut, Søren Brostrøm oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER