Gå til hovedindhold

Inuit marluk 18-it inorlugit ukiullit toqutsisimasutut tigusarineqarsimasut

Inuit sisamat Nanortalimmi angummik 40-kkunnik ukiulimmik toqutsisimasutut unnerluunneqarlutik Kujalliup Eqqartuussivianit tigummigallagassanngortinneqarsimapput.

Politiit Nanortalimmi Tukingasumi inuk toqungasoq pillugu arfininngornermi ullaakkut kalerrinneqarput.

- Politiit peqqinnissaqarfimmilu sulisut ingerlaannartumik sumiiffimmukartinneqarput, tassani angut toqusimasoq uppernarsarpaat. Angut Nanortalimmeersoq 40-kkut qiteqqullugit ukiulik pineqarpoq, Kalaallit Nunaanni Politiit tusagassiorfinnut nalunaaruteqarlutik allapput.

Politiit sapaatiummat ilisimatitsipput, inuit sisamat toqutsisimasutut unnerluutigineqarsimasut, politiillu ataatsinngormat ualikkut paasissutissiipput inuit sisamat taakku tamarmik eqqartuussivimmit tigummigallagassanngortinneqarsimasut:

Ulluni 25-ni tigummigallarneqassasoq

- Unnerluutigineqartut tamarmik sapaatiummat inatsit tunngaviusoq malillugu killisiorneqarsimapput. Eqqartuussivik aalajangerpoq inuit sisamat taakku tamarmik tigummigallarneqassasut.

- Unnerluutigineqartut marluk 18-it inorlugit ukioqarput, taamaammallu parnaarussivittut ittumi tigummigallagassanngortinneqarlutik. Politiit ilisimatitsissutigaat,  inuit sisamat taakku ulluni 25-ni tigummigallarneqassassut, Kalaallit Nunaanni Politiit allapput.

Suliaq suli misissuiffigineqarpoq, Nanortalimmilu politiit politeeqarfinnit allanit Danmarkimiillu ikiorserneqarput:

- Pinerluttoqarsimatillugu misissuisartut marluk toqusunillu misissuisartoq ataaseq aqangu Nanortalimmut tikissapput, Kalaallillu Nunaanni Politiit misissuinerannut ikiuutissallutik, politiit allapput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER