Angerlarsimaffeqanngitsunut tupeqarfik atuukkunnaarpoq

Nuummi Qeqertani tupeqarfimmi angerlarsimaffeqanngitsut ornittagaanni nutsertoqarpoq ullumi pingasunngornermi.

Tassami tupeqarfik atuukkunnaarpoq, Nuup qeqqanut blok C-mut aamma D-mut nutserput. Tamanna borgmesterip Charlotte Ludvigsenip (IA) Sermitsiaq.AG-mut uppernarsarpaa.

Angerlarsimaffeqanngitsut tamarmik nuutsinneqareernermi kingorna inissaqartinneqassasut aamma uppernarsarpaa.

Angerlarsimaffeqanngitsunut ornittagassaat aappaagu atulersinneqassaaq, angerlarsimaffeqanngitsunut ornittakkap atorneqalernissaata tungaanut kommunalbestyrelse containerinik inissianik arlalinnik pisiniarluni kiisalu illoqarfiup qeqqani blokkit marluk inuerunnikut angerlarsimaffeqanngitsut inissiaatut utaqqiisaasumik atulerniarlugit aalajangerpoq.

Angerlarsimaffeqanngitsut Sermitsiaq.AG-imit apersorniarlugit Kialaarfik saaffigineqaraluarpoq, itigartinneqarporli 'pisariaqanngitsumik uippallertoqannginnissaa' anguniarlugu itigartitsinermut tunngavilersuutigineqarluni.

Nutaarsiassat

Tasiilami anorersuarnissaanik aarlerisaarut

DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...

Snow Fest-imi iluatsilluartumi nutaaliorsinnaaneq nuannaarutigineqarpoq

Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...