Air Greenland Kalaallit Nunaanni Timersortartut Kattuffiannut pingaarnertut aningaasaliisartunngorpoq
Aningaasaliissuteqarnissamik isumaqatigissutip nutaap, timmersortartut kattuffiata Arctic Winter Gamesimut peqataanissaanut, ukioq manna Covid-19 pissutigalugu taamaatiinarneqarsimasumut, tapiissuteqarnissamik isumaqatigissut taarserpaa.
Air Greenland Kalaallit Nunaanni Timersortartut Kattuffiannut (GIF) 2021-p naanissaata tungaanut pingaarnertut aningaasaliisimasutut imminut taasinnaanngorpoq.
Pingaarnertut aningaasaliissuteqarnissaq inissinneqarpoq, Arctic Winter Games 2020 coronavirusi pissutigalugu taamaatiinnarneqarmat, Kalaallit Nunaanni Timersortarftut Kattuffiat tusagassiorfinnut nalunaaruteqqarnermi ilisimatitsivoq.
Arctic Winter Gamesimut 2020-mi martsip qaammataani Canadamiittumi Yukonimi Whitehousemi pisussaangaluartumi Kalaallit Nunaata peqataatitaqarnissaanut Air Greenland arfineq-marlussaanik pingaarnertut aningaasaliissuteqarsimangaluarpoq.
- Soorunami ugguaraarput, timersortartuutitta Arctic Winter Gamesimi peqataanermikkut misigisassaralui ilinniagassaraluilu annertuut maangaannartinneqarmata, maannali tamanna taamaatiinnarneqarmat, Air Greenlandip eqaatsupilussuarmik isumaqatiginninniarusussuseqarlunilu taamatut inissisimasoqarneranik iliuuseqarnera.
Pisortaq: Timersortarneq inuiaqatigiinnut pingaaruteqarpoq
- Kalaallit Nunaannit Timersortartut Kattuffiannut pingaarnertut aningaasaliissuteqarnissamik isumaqatigiissut aqqutigalugu suleqatigiinnitta pitsaasup ingerlateqqinneqarnissaa qilanaaraarput, Kalaallit Nunaanni Timersortartut Kattuffiani siulersuisumut tulliusoq Finn Meinel oqarpoq.
Air Greenlandimit pingaartinneqarpoq, timersortartut kattuffiata Kalaallit Nunaanni 2030-mi timimik aalatitsiunerpaaffiunissaanik anguniagaqarneranut tapiissuteqarnissaq.
- Timersortarneq inuiaqatigiinnut pingaaruteqarpoq, inuillu ataasiakkaat inooriaasiannut inuunerminnilu atugaannut pitsaasumik sunniuteqarsinnaalluni. Taamaammat pingaaruteqarpoq, Timersortartut kattuffiata anguniagaanik annertuunik suliffeqarfiup tapersersuinissaa, taamaaliornitsivullu nunami timersortartut pitsaanerpaamik atugaqartinneqalernisaannut peqataassaagut, Air Greenlandimi pisortaaneq Jacok Nitter Sørensen oqarpoq.