Nuuk Marathonernissaq taamaatiinnarneqarpoq
Covid-19-imut tunngatillugu malittarisassat pissutigalugit aamma aningaasaliinissamik isumaqatigiissuteqarnissaq qularnartoqamat Nuuk Marathonernissaq taamaatiinnarneqartoq, aaqqissuisut ilisimatitsipput.
Nuummi sapaatip akunnerata matuma naanerani arpalluni nuannisartoqassaanngilaq, Nuuk Marathonernissarmi taamaatiinnarneqarpoq.
Aaqqissuisunit nalunaarutigineqarpoq, aaqqissuussaq taamaatiinnarneqartoq, covid-19-imut tunngatillugu malittarisassat, pisortat inassuteqaataat aamma aningaasaliissuteqartoqarnissaanik qularnartoqarnera pissutigalugit:
- Nuuk Marathonip ingerlanneqarnissaanut pingaarnertut aningaasaliissuteqartussarsiorniarneq corona pissutigalugu ajornarsimavoq. Namminerlu piumassutsimik arpattartut klubbianni akisussaasutut aaqqissuussisimasutut, aningaasaqarneq Nuuk Marathonimut pingaaruteqarluinnarpoq, arpattartut klubbianni NAAPE-mi arpannissamik aaqqissuussisimasoq Kim Godtfredsen ilisimatitsivoq.
Akiliutigisimasat utertinneqassasut
Aaqqissuisut juunip qaammataani oqaluttuaraat, Nuuk Marathon ingerlanneqassasoq, marathonili tamakkiisoq kisimi ingerlanneqarsinnaasoq aamma amerlanerpaamik inui 100-t kisimik peqataasinnaasut.
Tamannali maanna aamma ingerlanneqarsinnaajunnaarpoq.
Peqataaniarlutik nalunaarsimasut tamarmik akiliutigisimasaat utertinneqassapput, arpattartullu klubbianit aappaagu Nuuk Marathonimik aaqqissuusseqqinnissaq qilanaarineqarpoq, pilersaarutit malillugit aggustusip arfineq-aappaani arpattoqassalluni.
DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...