Perorsaasut nuna tamakkerlugu kattuffiat nutaamik siulittaasortaassasoq

Perorsaasut Kattuffiat - NPK aggustip allaqqaataani nutaamik siulittaasortaassaaq, maanna siulittaasup Juliane Henriksen Tobiassenip tunuarniarluni aalajangesimanera pissutigalugu.

Perorsaasut aningaasarsiatik pillugit Namminersorlutik Oqartussanik isumaqatiginninniarneranni, nuna tamakkerlugu siulittaasoq Juliane Henriksen Tobiassen siulittaasutut tunuarniarluni aalajangersimavoq. Isumaqatiginninniarnerilli iperavinnianngilai, siulittaasulli tulliatutu isumaqatigiissutissat inissinneqarnissaasa tungaanut taakkunannga isumaginninniarpoq.

- Aalajangiunneqarsimavoq aggustip aallaqqaataaniit siulittaasumut tullersortinngussasunga, maannalu siulittaasumut tulliusoq Arna Brønlung siulittaasunngussasoq, Juliane Henriksen Tobiassen Sermitsiaq.AG-mut oqarpoq.

Nassuiaat

Siulittaasutut tunuarnerminut nassuiaatigaa:

- Inuttut atukkakka pissutaapput. Piginnaasakka meeqqat ineriartortinneqarnerannut atorusunneruakka, Juliane Henriksen Tobiassen siulittaasup tullia assigalugu Nuummi najugaqartoq nassuiaavoq.

Sulisut kattuffiata sulisitsisullu imaqatiginninniarnermi imminnut ungasinnerujussuat tunuarnerminut peqqutaanerunnginnerarpaa. NPK-mit aningaasarsiat malunnaatilimmik qaffanneqarnissaat qilanaarineqarpoq, Namminersorlutilli Oqartussat siunnersuutaat perorsaasut kissaataannut naapertuutinngilluinnarput. Ilisimaneqanngilaq isumaqatiginninniarnerit qaqugu naammassineqarumaarnersut.

Powered by Labrador CMS